SÄLÄT CIENI ONLAYN spikerları ← kire kaytirga

19-nçı aprel könne berençe SÄLÄT CIENI ONLAYN ütäçäk. Ul Sälätneñ räsmi akkauntlarında (instagram-akkaunt @selet.official, YouTube kanal - Selet Official, «WKontakte» törkeme – selet.official) 12 sägatlek tuktausız live formatında uzaçak, cıenda Sälätneñ dusları, fikerdäşläre, kunaklar belän turı translyatsiyalär oeştırılaçak, şulay uk maxsus çatlarda här alannıñ üz çaraları bulaçak.

«Berençe kanal»dagı «Dobroe utro» tapşıruınıñ maxsus korrespondentı, Worldskills Kazan blogerı Alinä Sakaewa «Turı efir turında turı efir» digän ostaxanä ütkäräçäk.

«Närsä? Kayda? Kayçan?» uenı znatokları kapitanı, «Bällür yabalak» iyase, «Samıy umnıy» intellektual proektınıñ iñ köçle uençısı Boris Belozerownı turı efirda intellektual turnir wakıtında kürep bulaçak.

«Sälät» yaşlär üzäge direktorı Aygöl Gabdraxmanowa turı efirda öçpoçmak peşerergä öyrätä.

Eko-bloger, «Ekologiçno Kazan» xäräkäte wolonterı, «Wtoroe dıxanie» proektı häm şul uk isemdäge xäyriya fondı digital-marketologı Nika Simak faydalı eko-gadätlär turında söyläyaçäk.

Kiçke aşka Sälät aktiwistı, ispan tele buença belgeç, tatar xalık aşları retseptları tuplangan «Xätirä» kitabı awtorı, çit ildä buşlay belem alu turında EDUabroad.pro proektı awtorı Alinä Sadriewa belän kıstıbıy peşeräbez.

Xoreograf-kuyuçı, yugarı kategoriyale pedagog, «Ploşçad swobodı» festiwalenä nigez saluçılarnıñ berse, «INDIGO kids» citäkçese, «El ukıtuçısı» häm «Yörägemne balalarga biräm» konkursları laureatı Wenera Galimowa belän bergäläp kontemporari biibez.

Biyuçe, xoreograf, Tatarstan Respublikası delegatsiyase sostawında Bötenräsäy «Studentlar yazı-2018» ciñüçese, 2018-nçe eldan birle Sälät Forumı xoreografı Ewgeniya Kapustina isä SÄLÄT CIENI ONLAYNnı başlap cibäräçäk, irtänge zaryadka ütkäräçäk.