«TALKış käläwe» belän kamillekkä omtıl ← kire kaytirga

13-15-nçe aprel könnärendä «Fänsar» fän häm mägarif üzägendä «TALKış käläwe»neñ küçmä mäktäbe uzaçak. Mäktäp eşçänlegendä ingliz tele belän kızıksıngan 7-11-nçe sıynıf ukuçıları katnaşa ala. Töp şart: ingliz telen belü däräcäse «Pre-intermidiate»tan tübän bulmaska tieş.

Programma eşçänçänlege, katnaşuçılar, häm proektnıñ barlık neçkälekläre turında ingliz telendä uza torgan «TALKış käläwe» klubı citäkçese Dilärä Kärimullina belän söyläştek.

–Dilärä, küçmä mäktäp turında tulırak söyläp kitsäñ ide.

– Bu – bezneñ berençe küçmä mäktäp. Şuña kürä monıñ ni däräcädä möhim buluın, cilkälärebezdä nindi zur cawaplılık yatuın añlarga kiräk. 3 kön däwamında bez barı tik ingliz telendä genä söyläşäçäkbez.

– Küçmä mäktäptä kem katnaşa alaçak?

– Ingliz telen törle däräcädä belgän balalarnı tuplıybız. Garizanı tapşırgannan soñ, alar ukıtuçılar belän Skayp aşa onlayn äñgämä uzarga tieş bulaçak. Axırda, saylap alu etabın uzgan katnaşuçılar 3 sıynıfka (3 törkemgä) bülenäçäk.

– Programmanıñ asılı nidän gıybarät?

-– «Fänsar»ga kiter aldınnan kızlar häm egetlär «Sälät» Fondınıñ başkarma direktorı Timur Söläymanow belän küreşep, yakınnanrak tanışa alaçaklar. Soñınnan, üzara tanışu öçen, Ays breyking uenında katnaşaçaklar äle. Mäktäp programması äydamannar belän berlektä tözelgän ide. Anıñ töp maksatı – Sälät oeşması turında kübräk belü. Läkin, sessiyabezneñ üzençälege – barlık mäglümat barı tik ingliz telendä genä bulaçak. Uku-ukıtu programmasına aerım tuktalsak, anı bik üzençälekle spikerlar belän ütkärelüen äytä alabız.

Ukıtuçılar arasında «Oxford street» çit il mäktäbe ukıtuçıları Elwira Kamaletdinowa häm Elena Kalitowa, Törek tele buença rossiyaküläm olimpiada ciñüçese, böten barlıgı belän belän ingliz telenä ülep gaşıyk Emiliya Şakirowa bulaçak.

Kıtaydan kilgän 1-nçe kurs magistrantkası Lyu Menchzu spiker bularak çıgış yasayaçak.

Aldan äytelgänçä, bezdä 3 törkem (3 sıynıf) oeşa. Ukuçılarga kön däwamında härberse 1 sägatlek 3 däres ukıtılaçak. Elwira Kamaletdinowa inliz tele grammatikası serlären açsa, Elena Kalitowa belän isä ukuçılar yaña süzlär öyränäçäklär. Emiliya belän söyläm telen kamilläşterergä mömkin bulaçak.

Läkin iñ kızıklısı şul: balalar berençe könne ük Sälätneñ yaña alanın uylap tabıp, täkdim itärgä tieş bulaçaklar. Ukuçılar yaña alannıñ logotibına kadär uylap tabarlar dip ömetlänäbez.

– Katnaşuçılarga närsä telär ideñ?

– Küptännän tellär öyränüçelär törle yaña mäglümat tapsınnar häm kamillekkä omtılırga kiräklekne añlasınnar ide. Ä ingliz tele serlärenä yaña gına töşenä başlauçı eget-kızlar bu eşneñ ni däräcädä möhim buluına töşensennär ide. Härkemneñ öylärenä ilhamlanıp kaytuın häm yaña könne yaña köç belän karşı aluların telim.

   Katnaşu öçen garizalar monda kabul itelä.