Cäeñne «Bolgar-Tugan tel»dän başla ← kire kaytirga

Här bala öçen katlaulı uku elınnan soñ yal itü urını bulıp yaratkan cäyge lagere tora. Biredä ukuçı yal itep kenä kalmıy, kiräkle belemnär dä tuplıy alsa – bötenläy äybät. Töbäkara «Bolgar-Tugan tel» çatırlı lagerendä Tatarstan Respublikasınıñ äydäp baruçı ukıtuçıları belem biräçäk, küñelle yal programması da tözelgän.

«Bolgar-Tugan tel» 2014-nçe eldan birle Tatarstannıñ Spass rayonında urnaşkan Bolgar muzey-tıyulıgında ütkärelep kilä. El saen biredä böten Räsäydän cıelgan 500 bala yal itä.

Bıel lager-neñ üzençälege şuna: ul 2 smenada uzaçak. Här ike smenada da 450şär bala katnaşuı kötelä. Bu çarada ike tapkır kübräk aktiw, maksatçan häm sälätle yaş-lär katnaşa ala digän süz!

Alan programması tatar telen, mädäniyaten öyränügä, telne tormışnıñ törle ölkälärendä gamäli kullanışın arttıruga yunältelgän. Bu eştä balalarga ukıtuçılardan tış tatar telendä kamil aralaşuçı, mädäniyaten belüçe äydamannar yardämgä kiläçäk.

Tatar tele däreslärennän tış här katnaşuçını kızıklı uku-ukıtu programması kötä. Här däres nıklap uylanılgan, milli üzençälegebezgä zur ig-tibar belän tözelgän. Misal öçen, milli biyu ostaxanäläre, milli kiem tegü däresläre, bayanda uynau, floristika belän şögıl-länü künekmäläre dä bulaçak.

Däreslär tämamlangannan soñ, könneñ ikençe yartısında, balalar ostaxanälärgä yöriyaçäk.

Uñışlı prodyuserlık ostalıgı xezmäte turında  «HAVA projects» media-kompaniyase prodyuserı Almaz Sämigullin, rejisser Ilşat Räximbay söyliyaçäk.

Milli jurnalistika dön-yası belän «TNW – Yaña gasır» teleradiokompaniyase proektları rejisserı Wenera Iwanowa häm «Matbugat.ru» internet-portalına ingez saluçı Danil Säfärow tanıştıraçak.

Tiz arada brendka äwerelü öçen nişlärgä kiräk? Bu ölkäneñ ostası – berençe tatar fast-fudı «Tübätäy» çeltären uylap tabuçı Soltan Safin barlık soraularga da cawap biräçäk.  Sotsial- çeltärlärdä populyar bulu  serlären berençe tatar bloggerı «Tatar malay» – Rinat Galiäxmätow çişärgä wäg-dä itte.

Respublikabıznıñ möxtäräm şäxesläre, kürenekle fän, ädäbiyat häm sängat- eşlekleläre belän dä oçraşular kötelä. Tarix fännäre doktorı, TR Fännär akademiyaseneñ Ş.Märcäni isemendäge Tarix institutınıñ Arxeologik ezlänülär üzäge fänni xezmätkäre Fayaz Xucin tatar xalkı tarixın bäyan itäçäk. Dramaturg, publitsist Rabit Batulla ädäbiyat dön-yası belän tanıştıraçak. Rässam-kalligraf, Räsäyneñ Rässamnar berlege äg-zası Näcip Ismägıylew ta üz ölkäsendä bulgan täcribäse belän urtaklaşır dip ışanıp kalabız.

7 kön eçendä balalar belän täcribäle äydamannar eşli. Alar yardämendä bala yaña moxitkä tiz iyaläşä alaçak, yalları da küñelle ütäçäk, faydalı belemnär dä tuplanaçak.

Yaş- kaläm tibrätüçelär  öçen maxsus matbugat xezmäte eşliyaçäk. Alar «kır şartları» buluga karamastan, törle janrlarda operatiw häm kızıklı yazmalar yazarga öyränäçäk,  gazeta çıgaruda katnaşaçak, syujet töşerü mömkinlekläre dä oeştırılaçak.

Lager-neñ programma direktorı Alsu Salawatowa kızıklı da, faydalı da programma wäg-dä itsä, texnik direktor Timur Nazarow aşxanädä härwakıt tämle rizık bulaçak dip süz birde.

Sport yunäleşe citäkçese Ilfat Wäliew sälamät yaşäü räweşe häm sport turındagı barlık soraularga da cawap birergä äzer. Art-direktor Rüzäl Äxmädiew kiçke çaralar isemlegen tözep kuygan inde. Protokol xezmäte citäkçese Alsu Bikmöxämmätowa här çakırılgan spiker da kiläçäk dip ışandıra.

Ike smenanıñ da başkarma direktorı Regina Nurullina «Här bala da bezneñ lager-dä üze öçen yañalık açaçak!» - dip belderde.

Balalarnıñ kübese lager-gä kiläçäktä äydaman bulıp kire kaytuga çigebez yuk. Uñışlar!

Sälät Media-mäktäbe ukuçısı Alinä Sısoewa