LEADERS BILER FORUM başlandı! ← kire kaytirga

Bügen, 26-nçı iyul könne, Sälät forumınıñ bişençe smenası - LEADERS BILER FORUM-nıñ räsmi açılışı uzdı. Älege forum Tatarstan Respublikasında Rossiya ukuçılar xäräkäte belän berlektä gamälgä aşırıla. Bıel ul izge Bilär cirlegenä şäxsi, mäktäp üzidarä organnarınıñ üseşendä kızıksıngan 1200dän artık balanı berläşterde.

Çaranı «Sälät» yaşlär üzäge direktorı – forumnıñ ştab citäkçese Aygöl Gabdraxmanowa açıp cibärde. Ul forumnarnı oeştıruda yardäm kürsätüçelärgä räxmätlären citkerep, sälkeşlärgä häm äydamannarga uñışlar teläde.

Şulay uk forumnıñ açılışında Tatarstannıñ Yaşlär eşläre ministrınıñ berençe urınbasarı Timur Söläymanow ta katnaştı. «Sälät - mömkinleklär moxite. Şuşı smenada ul Rossiya ukuçılar xäräkäte yardämendä sezgä üzegezneñ xıyallarıgıznı çınga aşırıp, bulgan täcribägezne urtaklaşır öçen menä digän mömkinleklär tudıra. Biregä kilgänsez ikän, el däwamına citärlek köç tuplagız, üzegezne çın lider itep sanagız, çönki lider - ul sezneñ kebek gel yañalıkka, belemgä omtıluçı!» - dip belderde ul.

«Oeşmabıznıñ işekläre härwakıt yaña yözlär öçen açık. Bez sezneñ kebek balalarnıñ zur gailäbezgä kuşıluına bik şat. Tuplagan täcribägez keşegä yardämgä kilsen, ä tärbiyagez şuña nıklı nigez bulsın ide», - dip sälamläde katnaşuçılarnı Rossiya ukuçılar xäräkäteneñ uku-ukıtu säyasäte departamentı citäkçese Andrey Tolkaçew.

Smena programması kısalarında törle hönäri ölkälärdä tanılgan liderlar katnaşında belem birü sessiyaläre häm ostaxanälär planlaştırılgan. Bügennän alar da eşen başlap cibärde.