LEADERS BILER FORUM-nı başladık! ← kire kaytirga

27-nçe iyul könne IX Xalıkara «Cälät» yaşlär uku-ukıtu forumınıñ dürtençe smenası - LEADERS BILER FORUM başlanıp kitte.

LEADERS BILER FORUM – liderlık sıyfatların, proektlar tözü häm komandada eşläü künekmälären üsterügä yunälderelgän smena.

Ul Tatarstan Respublikasınıñ «Räsäy mäktäp ukuçıları xäräkäte» belän berlektä tormışka aşırıla häm balalarnıñ şäxsi sıyfatların üsterügä yunältelgän. Smena programmasında fän, sängat, ictimagıy-säyasi eşçänlek, sport, belem birü häm biznes ölkälärendä zur uñışlarga ireşkän belgeçlär katnaşında uku-ukıtu sessiyaläre häm ostaxanälär planlaştırılgan.

Bilär cirenä mäktäp üzidaräse eşçänlegen kamilläşterü teläge belän yaşäüçe 1000 bala cıeldı. Alar öçen territoriya buença welkom-tur oeştırıldı, soñınnan forumnıñ gala-kontsertına çıgışlar saylap alu buldı.

Sägat 18:30-da Selet Live onlayn studiyasendä turı efir uzdı. Bilär cirlegennän turı efirlar forumnıñ här könendä çıgıp bara. Anda forum yañalıkları, interwyular, kızıklı reportajlar häm başka xäbärlär kürsätelä.

Kiç belän LEADERS BILER FORUM-nıñ räsmi açılu tantanası buldı. Katnaşuçılarnı yaşlär üzäge direktorı Aygöl Gabdraxmanowa sälamläde: «Bu smenanı bez sezneñ öçen, çın liderlar öçen, RDŞ belän berlektä oeştırdık! Monnan yaña uku elına küp energiya tuplawıgıznı telim!».

Forumnıñ açılu tantanasında şulay uk TR Mägarif häm fän ministrı urınbasarı Alsu Mönib kızı Äsädullina da çıgış yasadı:

- Sezneñ öçen bu cäyneñ, nihayat, başlanuına min bik şat! Älege forum - sezneñ tormışıgızda zur adım. Sezneñ monda ukıp, üzegezneñ yaşeren sälätläregezne tabar öçen barlık mömkinleklär dä tudırılgan. Bilärgä sez böten icadi potentsialıgıznı açar öçen kildegez. Bu wakıt mäñgegä sezneñ xäteregezdä kalsın ide! – dip söyläde ul.

Forum katnaşuçılarına Räsäy mäktäp ukuçıları xäräkäteneñ uku-ukıtu departamentı citäkçese Andrey Anatolewiç Tolkaçew ta üz teläklären citkerde: «Sezgä barı tik alga gına baruıgıznı häm monda eşläyaçäk pedagoglardan berkayçan da oyalmawıgıznı telisem kilä. Forum axırında Sälät häm RDŞ-nıñ ni däräcädä dus buluın härkem belsen ide!»

Alga taba balalarnı oeştıruçılar komitetınıñ ber öleşe belän tanıştırıp kittelär. Forum katnaşuçıları Bilär häm RDŞ älämen kütärde, LEADERS BILER FORUM räsmi räweştä açık dip iglan itelde!

Açılu tantanasınnan soñ «Sälät – Bilärle, Bilär - Sälätle» digän kiçke çara häm Ilgiz Şäyxraziew katnaşında Open Air uzdırıldı.