«Izge Çişmä»gä garizalar kabul itelä başladı ← kire kaytirga

Sälät Forumın oeştıruda «Izge Çişmä» alanı wolonterları da bulışa. 13-nçe apreldän alanga garizalar kabul itü kampaniyase başlanıp kitte. Ul 25-nçe mayga kadär däwam itäçäk.

Wolonterlarnı niçek saylap alalar, alar nindi eş başkara – bu xakta «Izge Çişmä» alanı direktorı Ewgeniya Denisowadan soraştık.

– Ewgeniya, «Izge Çişmä» alanı turında gomumi añlatma bir äle. Bu alan närsä belän şögıllänä?

– «Izge Çişmä» alanınıñ çişmä başında studentlar alanı yasau niyate torgan. Şuña kürä älege alanga elägüçelär sälkeş dip tügel, säldent dip atala. Säldentlar forum oeştıruda wolonter wazifasın ütilär. Härberse üz yunäleşendä eşli. Yunäleşlär berniçä, menä alarnıñ kayberläre.

Uku-ukıtu yunäleşe.

Bu yunäleşkä eläkkän wolonterlar uku-ukıtu çaraların oeştıruda katnaşa, däreslär aldınnan çatırlarnı äzerli, kiräkle cihazlar belän täemin itä (monitor, noutbuk, watman, posterlar h.b.). Kıskası, däres häm ostaxanälär uñaylı şartlarda uzsın öçen tieşle moxitne tudıra.

«Bäläkäç».

Bu yunäleşkä balalarnı yaratuçı, alarga yaxşı energiyasen birergä äzer buluçı wolonterlar çakırıla. Sabıylar belän uennar uynarga, räsem yasarga, cırlarga, biergä yaratasıñ ikän, şuşı yunäleşne saylarga kiräk.

Attaşe.

Bu yunäleştäge wolonterlar törle rayonnardan kilgän delegatlarnı ozatıp yöri. Törle rayonnardan kilgän delegatsiyalärne Sälät dönyası belän tanıştıra, alarnı ostaxanälärgä alıp bara, alar belän uynıy. Alarnıñ äydamannarına äylänä, disäñ dä bula.

Protokol.

Bu yunäleştägelär WIP-kunaklarnı karşı ala, sport çaraları häm konkurslar ciñüçelären säxnägä çıgıp büläkli.

– Wolonterlar niçek saylap alına?

– Teläge bulgan böten keşe saytta gariza kaldıra. Bez anıñ Sälät proektlarında katnaşu täcribäsenä igtibar itäbez. Yaşen dä isäpkä alabız. 18+ bulgannarga östenlek birelä. Ägär wolonter bezgä turı kilä ikän, anıñ belän elemtägä çıgabız.

– «Izge Çişmä» alanı eçendä nindi çaralar oeştırıla?

– Bez forumga kadär berniçä kön aldan kiläbez häm üz smenabıznı ütkäräbez. Bu könnär bik küñelle ütä, törle ostaxanälär, däreslär, çıgışlar häm, älbättä, kiçke çaralar oeştırabız.

Soraular kalgan bulsa, Ewgeniyagä yazarga mömkin: vk.com/id29363877.

Anıñ urınbasarı Ilham Ibrahimow: vk.com/ilham27.

«Izge Çişmä»neñ «WKontakte» törkeme: vk.com/selet.izge_chisma.