Cäy ul – üze keçkenä ber gomer, anı kızıklı häm mawıktırgıç wakıygalarga bay it! ← kire kaytirga

Cäy – iñ küñelle wakıt. Çönki mäktäp ukuçılarınıñ da, studentlarnıñ da cäyge kanikulları iñ zarıgıp kötkän mizgel. Instagram çeltärendä başkalarnıñ matur fotolarına soklanıp, wakıtıñnı buşka uzdırgançı, sin dä cäeñne aldan planlaştırıp kuy! Sälät berläşmäse siña küñelle dä, faydalı da cäy täk-dim itä! Bezneñ belän tän genä tügel, küñel dä yal itä.

Sälätle balalar häm yaş-lärneñ Sälät berläşmäse el saen Tatarstan, Başkortostan, Çuwaşiya Respublikalarında 20 cäyge alan ütkärä. Bıel alarga Samara ölkäse häm Monreal- dä kuşılaçak!

Sälät cäyge alannarında katnaşu – tugan tatar telebezdä aralaşu, säläteñne açu, yaña belemnär, tanılgan fän häm mädäniyat eşlekleläre belän oçraşu, hönär saylarga yardäm itüçe belgeçlär belän fiker alışu digän süz. Sälät berläşmäse här balanıñ şäxsi üseşenä yardäm itä, teräk bula ala!

Igor- Smirnow, Sälät klubı prezidentı:

- Sälät cäyge alannarınıñ üzençälege şunda: biredä sez yal itep kenä kalmıyça, faydalı belemnär dä tuplıy alasız. Bügen inde minem öçen Sälät cäy genä tügel. Sälät üsä, üzgärä. El äylänäse şuşı sixri dön-yada kaynıym. Klublarga räxmät! Xäzer Sälät klubları Tatarstan mäktäpläre bazalarında gına tügel, xätta Samarada da bar! Cäy isä Sälätneñ kul-minatsion noktası bulıp tora. Cäen här sälkeş üzenä energiya tuplıy. Sez dä bezneñ saflarga kuşılıgız!

Tatarstanda, traditsiyagä kergänçä, bezneñ alannar Laeş rayonındagı «Zwezdnıy» yal häm sälamätländerü bazasında, Alekseewsktagı «Fänsar» fän häm mägarif üzägendä ütä. Aznakay, Bua, Bögelmä, Spas, Biektau rayonnarında, Yar Çallı şähärendä dä profil-le smenalar görläp eşli.

Tatarstan Respublikası Prezidentı Röstäm Miñnexanow yardäme belän tözelgän, 2015-nçe elnıñ iyulendä räsmi räweştä açılgan Bilärdäge «Fänsar» fän häm mägarif üzäge – Sälätneñ tagın ber gorurlıgı. «Fänsar» – zamana belän bergä atlauçı küpfunktsiyale kompleks.

Här alanda da Sälätkä genä xas bulgan moxit xökem sörä: milli goref-gadätlärne saklau, berdämlek häm duslık xise, fängä, belemgä omtılu, şäxes bularak üsü Sälätneñ töp bilgelämäläre bulıp tora.

Berläşmäneñ räsmi selet.biz saytında küptörle yunäleşlär (tel, tarix, intellektual--icadi, eşmäkärlek, Worldskills, IT, KWN) buença barlık smenalar da kürsätelgän. Alar belän tulırak tanışıp çıkkan soñ  portfolio-selet.ru saytında terkälü ütep, üzeñä oşagan alanga gariza kaldırsañ da bula. Portfolioda barlık kazanışlarıñnı da kürsätü kiräk.

Gadi  3 adım häm sineñ bu cäeñ onıtılmaslık bulaçak!

Al-bina Kadirowa, «Sälät -Şäxes 2017» alanı direktorı:

- Här cäyge profil-le smenanıñ üz yunäleşe, üz üzençälege bar. Här direktor komandası belän smena küñelle häm faydalı ütsen öçen 100%-ka tırışa. Gariza kaldırıgız häm üzegez kilep tikşerep karagız! Sälätne süzlär belän genä añlatıp betererlek tügel. Toep karau kiräk! Şäxsän minem öçen Sälät gadäti yaş-lär oeşması gına tügel, tormış ta, sular hawa da.

Iyun- aenda başlanaçak berençe smena alannarı belän tanışunı başlıybız.

Stambuldagı Zäñgär mäçetne, Parijdagı Eyfel- başnyasın küräseñ kiläme? Bälki Italiyaneñ iñ tämle pitstsasın awız itep kararga teliseñder? Üzeñne Noyşwanştayn saraenıñ patşa/patşabikäse itep kürergä xıyallanasıñmı? Böek Kıtay stenasın ülçäp kararga, döyalärne kulga iyaläşterergä uyladıñmı? Sixri sängat- dön-yasına çumıp,  xalık mädäniyaten öyränäseñ kiläme? «Sälät-Tel» alanında  çit tellärne öyrän!

«Sälät-Tel 2017» alanı direktorı Timur Fätxullow:

- «Sälät-Tel 2017» alanında berençe tapkır üzemne direktor bularak  sınap kararga telim. Gomumän alganda, «Sälät-Tel»dä min küptännän, 2012-nçe elda äydaman bularak ta katnaşkan idem. Bıelgı smenaga plannar zurdan: ostaxanälär isemlegenä säxnä tele, massaj, floristika yunäleşlären dä östärgä uylıym. Smena küñelle dä, faydalı da uzsın öçen barlık wariantlarnı da aldan uylap kuyaçakmın. Küñel belän dä, tän belän dä yal itärlek bulsın.

Ägär inde üzeñne süzdä genä tügel, eştä dä kürsätäseñ kilä ikän, östäwenä kullarıñ da «altın» bulsa (yaisä şundıyga äwerelülären teläsäñ), «Sälät-Ostalar bistäse» alanına räxim it! Arxitektura sängate, dizayn häm 3d-model-läşterü kebek yunäleşlär dä kızıksındırsa – ikelänergä cirlek yuk – tizräk «Ostalar bistäse»nä gariza kaldır!

«Sälät-Ostalar bistäse 2017» alanı direktorı Aliya Wäliewa:

- Berläşmädä min 2007-nçe eldan birle. 2007-2010-nçı ellarda «Rauşan» sälkeşe idem, 2012-2014-tä şuşı uk alannıñ äydamanına äyländem. 2016-nçı elda berençe tapkır üzemne «Yar Çallı» häm «Imänkäy» alannarında ölkän äydaman rolendä sınap karadım. Bıel inde direktor wazifasın başkarıp karıysı ide. Smenaga nıklap äzerlänäbez, bik kızıklı bulırga oxşagan. Uku-ukıtu programması östendä fiker alışabız: ul balalarga hönär saylarga yardäm itü häm Juniour Skills eş hönärläre çempionatına bagışlangan bulaçak.

Ikençe smena wakıtında bezne «Sälät-Samara» alanı söenderäçäk. Lager-nıñ äydamannar komandası smena şäp uzsınga kuldan kilgänneñ barın da eşlärgä wäg-dä itä. Uku-ukıtu programmasında töp ig-tibar fänni distsiplinalarga bireläçäk: fizika, matematika, programmalaştıru, kitay, ingliz häm tatar telläre. Tanılgan şäxeslär belän berlektä kızıklı temalarga ostaxanälär dä ütäçäk: KWN, «Närsä? Kayda? Kayçan?» intellektual- uenı, oratorlık ostalıgı, dizayn, wideo töşerü häm montaj, handmade. Sportka da ig-tibar citärlek: programma buença futbol, woleybol, östäl tennisı karalgan.  Moñsulanıp utırırga wakıt bulmaçak! Cäy ul – üze keçkenä ber gomer, anı kızıklı häm mawıktırgıç wakıygalarga bay itü üzeñnän tora!

Sabir Galimullin, «Sälät-Samara» klubı räise:

- Sälättä min 2014-nçe eldan birle. şaktıy küp proektlarda katnaşıp ölgerdem inde: «Sälät-Olimp» fän olimpiadalarına äzerläü mäktäbendä, «Fänsar» mäktäbeneñ sessiyalärendä häm, älbättä, Bilyardä uzuçı Sälät forumında. 2016-nçı elda Samara şähäreneñ Yaktılık mäktäbe bazasında «Sälät-Samara» klubı eşli başladı. Ä bıelnıñ cäendä berençe cäyge smena da uzaçak. Bezneñ öçen bu zur şatlık! Barısı da bik şäp uzaçagına şigem yuk! Sälät, berençedän, mömkinleklär ul. Här balanıñ säläte bar, Sälät isä şul sälätne kürep anı açarga, üsterergä yardäm itä. Ikençedän, Sälät ul – gailä. Öçençedän – dustanä moxit häm pozitiw. Min yaratam sine, Sälät!

Mär-yam Gıymadiewa, Kazan, 14 yaş-:

-Sälätneñ 3 smenasında buldım: «Sälät-Sanak» (2015, 2016), «Sälät-Tel» (2016), «Sälät-Olimp» (2016). Bu cäyne dä 3 alanga barırga cıenam: «Sanak», «Tel» häm «Rauşan». Lager-lär bik küp, tik alar berse dä Sälätkä citmi. Sälät alannarınıñ üzenä kürä ber räxätlege bar. Şäxsän min tüzemsezlek belän cäyne, cäyge alannarnı kötäm. Çönki biredä sin kabattan duslarıñ belän küreşäseñ, kızıklı däreslär tıñlıysıñ, räxätlänep biiseñ, cırlıysıñ. Sälättä tagın üzeñne törle ölkälärdä sınap karau mömkinlege dä bar. Küzallau däräcäñ dä üsä, yaña tanışlarıñ barlıkka kilä. Sälät süzen işetügä küñelgä räxät.

Islam Mirgayazow, Kazan, 15 yaş-:

- Sälät turında min 2009-nçı elda işettem. Şul elnı uk «Sälät-Tel»dä yal ittem. Sälät moxitenä, Laeş hawasına ülep gaşıyk buldım! 2010-nçı elda tagın Sälätkä bardım, tik şunnan soñ 4 elga yaratkan «Zwezdnıy» bazasına barırga turı kilmäde. 2014-nçe elda Bilärdä gailäm belän yal ittem. 4 el eçendä Sälät äytep-betergesez üzgärgän ide! Şunda üzemä ikençe elga Sälätkä baram dip wäg-dä birdem! Şulay eşlädem dä: «Sälät-Rauşan 2015», «Sälät-Rauşan 2016», «Sälät-Tel 2009», «Sälät-Tel 2010», «Sälät-Tel 2016». Barlıgı 5 tapkır!

Bıel da şunda uk barırga planlap toram äle. «Sälät-Monreal-»gä bik barasım kilä! Amerikaga baru – minem küptänge xıyalım, ä Sälät miña bu mömkinlekne birä. Xäzer barısı da minnän tora. «Iske Kazan»ga da baru teläge bar.

Döresen genä äytkändä, Sälät minem öçen añlatıp bulmaslık dön-ya. Keşelär, wakıygalar – bütän galämnän şikelle xätta! Biredäge aktiwistlar ikençe gailä rolen üti, täcribä birä, onıtılmaslık xis-kiçereşlär birä. Ber genä smenadan soñ da elamıyça kaytkanım yuk! Sälät – mömkinleklär, ideyalär, icat moxite.