Sälätle cäy. Wideowersiya ← kire kaytirga

Sälät Tatarstan Respublikasınıñ meñlägän balaları häm yaşläreneñ säläten üsterüdä yardäm itüçe sistema bulıp tora. Bügenge köndä ul kürşe töbäklärdä dä tanılu aldı, respublikabıznı tanıtuçı brendka äwerelde.

2017-nçe elnıñ cäendä Sälät berläşmäse tarafınnan Tatarstan Respublikasınıñ Prezidentı häm Xökümäte yardäme belän 25 profille smena ütkärü planlaştırıla. Biredä respublikabıznıñ barlık rayonnarınnan, distälägän Räsäy töbäklärennän, yakın häm erak çit illärdän kilgän 15 meñ sälätle bala katnaşaçak.

Sälätneñ cäyge proektlarında katnaşu öçen garizalar kampaniyaseneñ kızgan çagı. Sälät ilenä eläger öçen portfolio-selet.ru saytında gariza kaldıru kiräk. Maxsus bilgelängän grafada barlık kazanışlarıñnı da kürätergä onıtmagız.

10-nçı mart könne iñ ölger Sälätlelärne kotladık inde. Katnaşuçılarnıñ ikençe (soñgı tügel!) isemlege saytıbızda 31-nçe martta çıgaçak. Sälätle cäy – kabatlanmas xis-kiçereşlär, kızıklı tanışular, mawıktırgıç çaralar, yaña belemnär, tanılgan ostazlar, tabigat koçagında aktiw yal digän süz. Bergä bulıyk!