18-23-nçe awgust aralıgında, Kazanda el saen uzdırıluçı «Otkrıtie talantow» cäyge yaşlär mäktäbe ütäçäk. Älege mäktäptä 400 sälätle yaşlär, 100 ukıtuçı, sälätlelär, alarnıñ äti-äniläre belän idarä itü ölkäsendäge 100 respublikaküläm häm federal ekspert, oeştıru komitetı ägzaları katnaşaçak. 

Cäyge yaşlär mäktäbe ul – Uniwersitet Talantow oeşması täkdim itkän ellık uku-ukıtu programmasınıñ ber module. Näk menä şuşı çarada teläk belderüçelär Uniwersitet talantow studentı saflarına alına. Cäyge yaşlär mäktäbe mäydançıgında yaş sälätle keşelär tiz üseş programması (akselerator) aşa ütäçäk, tieşle ostalıklar häm kompetentsiyalär (soft skills) tuplayaçak. Alar nigezendä şäxes uñışlı karera tözi alırga tieş: çönki çara barışında katnaşuçılar şäxsi üseş planın buldıralar.
 
El saen respublikabızda 1500 bala häm yaşlär törle xalıkara häm bötenräsäy olimpiadalar, bäygelärdä ciñü yaulıy. Alarnıñ potentsialın alga taba da üsterü öçen, Cäyge yaşlär mäktäbendä ekspertlar, ukıtuçılar belän tieşle elemtä häm aralaşu buldırılgan. Alar arasında Tatarstannıñ uñışlı predpriyatie häm kompaniyaläre wäkilläre dä bar. Biredäge bar eşçänlekneñ töp maksatı respublikabızdagı kapitalnı yaş buın belän bergälektä üsterügä kaytıp kala.
 
Bıel saylap alu turı aşa 400 katnaşuçı ütkän. Saylap alu turları berniçä etaptan tordı. 1500 kabul itelgän garizadan nibarı 200 törle olimpiada häm bäygelär ciñüçeläre saylap alındı. Kalgan 200 keşe – älege çaralarda katnaşmagannar, tik şulay da üzen kürsätergä sälätlelär. Katnaşuçılar barlık respublika buença cıeldı. 

Cäyge yaşlär mäktäbendä şäxsi proektıñnıñ «kraş-test»ın ütkärergä, ekspertlarnıñ bäyasen işetergä mömkin. Bu proektlar iktisad, injeneriya, mägarif, Räsäy sälätleläre belän idarä itü ölkälärenä kagıla. Potentsial partnerlar, predpriyatie wäkillärenä täkdim itelgäç bu proektlar alga taba yaşäü öçen resurslar da ala.
 
Ekosistema buldıru, sälätle balalar häm yaşlär belän eşläü öçen respublikabızdagı barlık tör sferada eşläüçelär dä kiräk. Alar belän bergä yaş tatarstanlılar kareraları traektoriyasen bilgeli alaçak. 22-nçe awgust könne Cäyge yaşlär mäktäbendä «Strategiçeskaya sessiya: Respublikanskaya sistema razwitiya i soprowojdeniya talantliwoy molodeji» dip ataluçı çara da uzaçak. Biredä Tatarstan Respublikası ministrlıkları, munitsipal idarä itü cirlekläre, mägarif uçrejdenieläre, törle predpriyatie häm kompaniya wäkilläre, äydäp baruçı respublikaküläm häm federal belgeçlär katnaşuı kötelä. 

Alar Cäyge yaşlär mäktäbe katnaşuçılarınıñ proektlarına ekspertiza ütkäräçäk, respublikada sälätle balalar häm yaşlär belän eşçänlektä üz rollären bilgeliyaçäk, alarga yardäm itü buença tege yaki bu kararlarnı kabul itäçäk. 

Cäyge yaşlär mäktäbendä katnaşunıñ näticäse bulıp tübändägelär tora: 

- respublikanıñ äydäp baruçı kompaniyalärendä stajirowka ütü; 
- Bötenräsäy «Orlenok» balalar üzäge häm «Lift w buduşçee» injeneriya-konstruktorlar mäktäbe proektlı smenalarında katnaşu; 
- real inwestorlar belän xezmättäşlek itü. 

Cäyge yaşlär mäktäbeneñ ukıtuçıları Uniwersitet talantow oeşmasınıñ Ukıtuçılar fakultetında, «Uprawlenie prodyusirowaniem talantow» ellık kursında belem aluların däwam itä ala. Älege kurs sälätle yaşlär belän eşlärgä öyrätä. Anı ütkäç alar kwalifikatsiya imtixanı tapşıra häm Uniwersitet Talantow oeşmasınıñ tanıklıklı ukıtuçısına äwerelä.