El sälkeşe närsälärgä äzer? ← kire kaytirga

Bu könnärdä Sälät yortında «Sämrux» el premiyaseneñ berençe äñgämä nigezendä  saylap alu turı uzdı. Çitän torıp saylap alu etabında iñ aktiw sälkeşlärneñ portfoliolarına yugarı bäya birelde häm 12-nçe dekabr könne alar jyuri ägzalarına kazanışların täkdim ittelär. Tantanlar zalı kilgän kunaklar, canatarlar, fikerdäşlär belän tulı ide.

«Bügen bäyräm! Bıel cäyge alannarda 12 meñnän artık sälkeş katnaştı. Şularnıñ iñ-iñnäre gariza tutırıp, üzlären sezneñ alda sınap kararga cıeldılar. Minemçä, iñ möhime, bezneñ Sälättä bulgan gailä moxite. Bügen, bez, «Sämrux» premiyasen başlap cibäräbez. Ämma bu konkurs. Katnaşuçılarga uñışlar telim! Iñ köçlegez ciñü yaulasın! Afärin!» – dip kotladı katnaşuçılarnı «Sälät» fondınıñ başkarma direktorı  Timur Söläymanow.

Katnaşuçılarnıñ prezentatsiyaläre bik üzençälekle uzdı: tatar milli kostyumnarı häm biyulär, bayanda köylär, Sälät berläşmäsenä bagışlangan cırlar, şigırlär, «baskıç», äkiyati personajlar, xätta professional kiemnär häm timerayak belän xokkey uynau. Barı ber närsä genä üzgäreşsez kaldı: El sälkeşe isemenä härber katnaşuçı laek.

«Bu elnı min oeşturıçı, wolonter bularak Sälätneñ küp kenä proektlarında katnaştım. Barlıgı 11 tapkır sälkeş buldım. «Sälät-Imänkäy» alanında maktau xatına, «Sälät-Saba» alanında sarı galstukka iya buldım. Üzemneñ mäktäbemdä Sälät klubı açıp, predsedatel wazıyfaların başkaram. Köz köne Lider goda häm 21-nçe gasır liderı konkurslarında uñışlı gına Sälätne täkdim ittem. «Sälät-Saba», «Sälät-Imänkäy», «Bolgar-Tugan Tel» alannarında, şulay uk Sälät forumında min üzemneñ energiyam belän büleşäm. Törle rayon balaların Sälät dönyası belän yakınrak tanıştıram: printsiplarnı, cırlarnı öyrätäm, Sälät proektları belän tanıştıram. Professional räweştä xokkey belän şögıllänäm. Minem abıem professional xokkeist häm keçkenädän ük min anıñ uennarın karap üstem.

«Eldan artık Sälät xäräkätendä katnaşıp, sarı galstukka iya bulgaç, üzemne sälkeş bularak, premiyadä sınap kararga buldım. Sälätneñ törle proektlarında, çaralarında, şulay uk «Sälät Wiki mäktäbendä» katnaşıp, ireşkän uñışlarım, kazanışlarım da bixisap. Xäzer inde konkursnıñ näticälären genä kötäse kaldı», – dip söyläde Timerxan Şäyxetdinow.

«Sämrux» – ul sınau, tırışlık, maksatçanlık, üzeñ östendä eşläü häm zur täcribä. Bu premiya, näk menä sineñ , «El sälkeşe» isemenä laeklı häm jyurilar aldında bik yaxşı äzer buluıñnı taläp itä», – dip uylıy Sabir Galimullin.

Şul wakıtlarda xokkey belän şögıllänäsem kilde, läkin mine figuralı şuuga birdelär. 2-nçe klassta ukıganda trawma alıp, taşlarga turı kilde. El bue äniemne künderep kildem häm 6-nçı klassta berençe tapkır xokkey formasında bozga bastım», – dip büleşte Liya Kogan.

Mondıy katnaşuçılar belän jyuri ägzalarına ciñel tügel.

«Iñ awır xezmät jyuri ägzalarına töşä. Bu bik cawaplı eş. Çıgış yasaganda barıgız da bik yakın. Beregezne dä kimsetäse kilmi. Aktiw eşlisez, cawaplarıgız tögäl, matur. Sälättä bulmasagız, sezneñ sälätegez açılmıy da kalır ide. Şuña kürä, kiläçäktä dä sezne Sälättä küräsebez kilä», – dip teläde Tatarstan Respublikasınıñ atkazangan fän eşleklese Fayaz Xucin .

8-nçe fewral könne G.Tukay isemendäge Tatar Däülät Filarmoniyasendä premiyane tantanalı tapşıru wakıtında kötelgän sınnıñ ciñüçesen belerbez.

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Bratya Zaripowı» agenstwosı, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.