«Fänsar» konferentsiyasenä garizalar kabul itü kampaniyase ozaytıldı ← kire kaytirga

Här katnaşuçıga bolarnı eşlärgä kiräk:

1. Üz çıgışıñnı wideoga töşerergä. Kadrda çıgış yasauçı häm prezentatsiya kürsätelä torgan kompyuter (noutbuk) bulırga tieş (ägär prezentatsiya bulsa). Çıgış 7 minuttan da artmasın. Wideonıñ formatı – mp4.

2. Wideoroliklı faylnı «oblaçnoe xranilişçe»ga (Google Disk, Yandeks.Disk häm başkalar) kertergä. Faylnı kertkännän soñ, sıltamasın (ssılka) alırga.

3. selet.biz saytında «Fänsar» mäktäbe konferentsiyase» digän töymägä basıp, anketanı tutırırga häm wideorolikka sıltamanı berketergä. Ägär katnaşuçı anketasın elegräk tutırgan bulgansız ikän, wideorolikka sıltamanı fansar@selet.biz elektron poçtasına cibärergä mömkin.

Barlık katnaşuçılarga da sertifikatlar bireläçäk.

Konferetsiya 3 yunäleş buença ütkärelä: 

1. «Galäm, Cir häm tabigat turındagı fännär» (fizika, astronomiya, geologiya, geografiya, ximiya, biologiya, ekologiya, h.b.) 

2. «Cämgıyat häm keşe turındagı fännär» (cämgıyat beleme, yurisprudentsiya, iktisad, meditsina, pedagogika, sotsiologiya, tatar tele, mädäniyat, sängat, arxitektura, tarix, arxeologiya, agronomiya, h.b.) 

3. «Surätläüçe, modelläşterüçe häm gamäli fännär» (semiotika, matematika, informatika, texnologiya, h.b.) 

Konferentsiyadä Tatarstan Respublikası mäktäpläreneñ 8-11-nçe sıynıf ukuçıları katnaşa ala.