Sälät klubları alga taba üseş yulların bilgelädelär ← kire kaytirga

2-4-nçe mart könnärendä Bilärdä, Alekseewsk rayonınıñ «Fänsar» BSÜ VII Sälät klublarınıñ gamäli seminarı uzdı. Tantanalı açılış «Sälät» yaşlär üzäge direktorı Aygöl Gabdraxmanowa, BSÜ citäkçese Räşid Yambulatow häm anıñ komandası katnaştılar.

Smenanıñ barlık neçkälekläre, programması turında bezgä «Sälät» Klubı Prezidentı Igor Smirnow söyläp birde.

- Älege gamäli seminar Sälät klubları öçen närsä añlata?

- Klublar seminarı – barlık klublar öçen dä kiläse yartı elga start birüçe nokta. Älege çaranı ütkärgän wakıtta, Sälät klublarnıñ eşçänlege ni däräcädä ähämiyatle ikänlegen kürsätä. Şul uk wakıtta klublar üzläre dä, alarnıñ ukıtuçıları, mäktäpläre dä Sälätneñ uku-ukıtu eşçänlegendä zur rol uynaganın añlıylar. Şulay itep, seminar ul – ike yaktan da möhim bulgan çara.

- Seminar ni öçen ütkärelä?

- Iñ berençedän, bez klublarnıñ eşçänlegen karıybız, analizlıybız. Ikençedän, yaña klub wäkilläre belän tanışabız. Öçençedän, klub wäkilläre öçen alarga aldagı tormışta yardäm itüçe yaña belemnär biräbez..

- Seminarnıñ proramması närsädän gıybarät buldı?

- Seminar programması üz eçenä belem birü ölkäsen aldı. Biredä barlık kuratorlar, oeştıruçılar balalar belän üz belemnäre, täcribäläre belän urtaklaştılar. Aerım ber tema bularak, Sälätneñ cäyge programması: profil smenalar häm forumnar turında söyläştek, fiker alıştık. Bezdän tış, balalar üzläre dä kıska ostaxanälär oeştırdılar, klublarınıñ eşçänlege täcribäsen kürsättelär. Soñgı köndä härber klub kiläse 3 ayga yul kartasın täkdim itte. Balalar uku belän ber rättän yal itärgä dä onıtmadılar. Şaktıy gına kızıklı kiçke çaralar, «Fänsar» buylap saf hawada yörülär häm aralaşu bik küp ide.

Üzläreneñ xis-kiçereşläre belän katnaşuçılar häm kuratorlar da urtaklaştılar.

Liya Kogan, «Sälät-Kazan» klubı räise (9-nçı nomerlı mäktäp):

- Şäxsän minem öçen, seminar bik tä effektiw häm kütärenke käeftä ütte! Nihayat, bütän şähärlärdä yaşäüçe duslarım belän küreştem, räxätlänep yal ittem, ä iñ möhime – täcribä häm üzem öçen küp yaña mäglümat tupladım. Klub öçen yul kartasın tözedem, törledän-törle ostaxanälärgä yördem. Bügenge könnän klub üseşenä tagın da kübräk köç kuyaçakmın.

Läylä Muratşina, «Sälät-Aksubay» klubı räise:

- Minem öçen bu dürtençe seminar ide. Härwakıttagıça ul – cılı, yaktı xislärgä bay buldı. Şunısın aerım äytäse kilä, klublar ber urında tormıy, härberse dä alga omtıla! Älege proekt balalar öçen gadi genä ber proekt bulıp kalmıy. Xäzerge wakıtta bezneñ öçen ul – yaña dönya. Bez, älege dönyada üsä alganga, bik şat!

Aliya Äxmätowa, seminar kuratorı:

- Balalar öçen bez kızıklı ostaxanälär, treninglar, lektsiyalär, oçraşular, kwestlar oeştırgan idek. Komandada döres itep eşläü nigezlären, sotsial çeltärlärdä klubnıñ eşçänlegen niçek döres kürsätergä kiräk ikänen öyrändek. Aeruça ähämiyatne yul kartasın tözügä yunälttek. Balalar klub eşçänlegeneñ planın centekläp uyladılar: yaña çaralar, kızıklı şäxeslär belän oçraşular, bäygelär, başka klublar belän proektlar uylap taptılar.

Seminarnıñ 3 kön däwamında küp kenä kiräkle mäglümatka iya buldık, täcribäbez belän urtaklaştık.