IX «Sälätkä nur bulgan yoldızlar» açık ädäbi konkursına start birelä! ← kire kaytirga
Flüs Latıyfi isemendäge IX «Sälätkä nur bulgan yoldızlar» açık ädäbi konkursına gariza birü kampaniyase üz eşçänlegen başlap cibärde.
Konkursnıñ maksatı – talantlı yaş awtorlarnıñ tatar ädäbiyatı ölkäsendäge icadi potentsialın üsterüdä bulışlık kürsätü.
Konkurs üz aldına tübändäge burıçlarnı kuya häm gamälgä aşıra:
– ädäbiyat ölkäsendä sälätle balalarnı häm yaşlärne barlau, alarga icadi yaktan kamilläşüdä, üsüdä yardäm kürsätü;
– balalarda häm yaşlärdä estetik zäwık häm ädäbi mädäniyatkä mäxäbbät tärbiyaläü;
– sälätle yaş yazuçılarnıñ igtibarın xäzerge zaman tatar ädäbiyatına häm tatar xalkınıñ ruxi mirasına yunälderü;
– talantlı yazuçı häm «Sälät» oeşması katnaşuçılarınıñ ostazı tanılgan tatar yazuçısı Flüs Latıyfinıñ isemen Sälät moxitendä yañgıratu häm yaşätü;
– sälätle yaşlärne «Sälät» oeşmasınıñ proektalarına çakıru.
«Sälät»kä nur bulgan yoldızlar» konkursında 11 yaştän alıp, 22 yaşkäçä mäktäp ukuçıları häm studentları katnaşa.
Konkurs şigriyat, çäçmä äsär, dramaturgiya, balalar ädäbiyatı häm publitsistika nominatsiyalärendä ütä. Kazıylar şurasına Tatarstan Yazuçılar soyuzı ägzaları, tanılgan şagıyrlär, yazuçılar, jurnalistlar kerä.
«Sälätkä nur bulgan yoldızlar» konkursı berniçä etapta ütkärelä:
– 17-nçe fewral 2020 el – 1-nçe aprel 2020 el– garizalarnı kabul itü etabı;
– 2-nçe aprel 2020 el – 4-nçe aprel 2020 el – icadi eşlärne konkurska saylap alu etabı;
– 4-nçe aprel 2020 el – 11-nçe aprel 2020 el – konkurska kabul itelgän eşlärne kazıylar şurası tarafınnan bäyaläü etabı;
– 17-nçe aprel 2020 el – Kazanda Sälät Yortında (Ostrowskiy ur., 23-nçe yort)konkursnıñ finalı.
Konkursta katnaşu öçen garizalarnı selet.biz saytında östä SÄLÄTKÄ NUR BULGAN YOLDIZLAR digän töymägä basıp kaldırırga mömkin.
Konkurs eşläre selet.nur@gmail.com elektron adresı buença kabul itelä. Beleşmälär öçen telefon: +7(843) 292-16-00.
Garizalarnı kötep kalabız!