«Äydä, ukı!» näfis süz konkursı ← kire kaytirga

27-nçe aprel könne 17.30 Sälät Yortında Kazan häm Yaşel Üzän Sälät Klubları («Sälät-Yaşel Üzän», «Sälät-Kazan», «Sälät-Kazan» (9-nçı mäktäp) i «Sälät-Kazan» (144-nçı mäktäp) barısın da Sälät Yortında uzaçak «Äydä, ukı!» näfis süz konkursında köç sınarga çakıra!

Konkursnıñ barlık neçkälekläre turında bezgä oeştıruçılarnıñ berse, «Sälät-Yaşel Üzän» klubı räise Timerxan Şäyxetdinow söyläp birde.

- Timerxan, älege konkurs ni öçen ütkärelä?

- Konkurs yaşlär arasında näfis süz ostalıgın populyarlaştıru maksatı belän oeştırıla. Sälät aktiwistları arasında kitap söyuçelärne, improwizatsion räweştä rus, tatar, ingliz telendä sängatle uku ısulların kürsätä ala torgannarnı açıklau öçen.

- Programma turında tulırak söyläp kitsäñ ide.

- Çarada barı tik saylap alu turın uzgan 15 keşe katnaşa alaçak. Töp etap 3 öleştän toraçak: rus, tatar, ingliz telendä bulgan tekstnı sängatle itep uku. Berençe etapta (tekstnı rus telendä uku) saylap alunı uzgannar katnaşa. Härber katnaşuçıga täkdim itelgän özekne ukır öçen barı tik 1 minut birelä. Soñınnan, härber etap tämamlanganda 5 keşe töşep kalaçak. Axırda, finalda barı tik 5 keşe genä katnaşaçak.

- Konkursnıñ katnaşuçısı bulır öçen närsä eşlärgä kiräk?

- 25-nçe aprelga kadär gariza tutırırga. Ägär dä garizalarnıñ sanı 15 kübräk bulsa, östämä saylap alunı oeştıraçakbız.

- Katnaşuçılarga kem bäya biräçäk?

- Çaraga zamança şagıyrlär, yazuçılar, akterlar häm media ölkä wäkilläre çakırılgan.

- Sineñçä, konkursnıñ ciñüçese nindi sıyfatlarga iya bulırga tieş?

- Bezneñ konkursta uñışka 2 sıyfat kiteräçäk – üzeñne yaxşı yaktan kürsätü häm kreatiw bulu. Älege sıyfatlar turında onıtmagız.