Ilşat Räximbay kinosı – XIII Xalıkara möselman kinosı festiwale nominantı

Tatarstan rejisserı, Sälät weteranı Ilşat Räximbaynı, şulay uk HAVA Projects media-kompaniyasen (anıñ ägzaları Sälät media-üzäge sostawına kerä) Kazanda uzuçı XIII Xalıkara möselman kinosı festiwalendä katnaşuları belän kaynar kotlıybız! Ilşat Räximbaynıñ «Predstaw» filmı «Kıskametrajlı uen filmı» nominatsiyasendä katnaşa. Ul 9-nçı sentyabr könne, 10:30, «Rodina» kinoteatrında (3-nçe zal) kürsäteläçäk. Räxim itegez!

«Predstaw» filmı ike dini şäxes – mulla häm atakay arasındagı mönäsäbätlärne surätli, din çikläre, çın Allanı, üz-üzeñne ezläü xakında söyli. Kartinanıñ soprodyuserı – Räsäy kompozitorı Aleksandr Şulgin.

Wakıygalar ike awılda töşerelgän ide. Anıñ berse Mariy El respublikasında, ikençese Tatarstannıñ Mamadış rayonında urnaşkan.

Kartinanıñ ideyase VII Kazan möselman kinofestiwalennän soñ barlıkka kilgän. Şulay uk dönya buylap taralgan lokal konfliktlar dulkını da älege filmga etärgeç bulgan.

«Predstaw» filmınıñ stsenarie berniçä prestijlı bötenräsäy bäygelärneñ şort-listlarına eläkte, Mäskäüdäge debyutantlarnıñ Altınçı pitçingında 250 eş arasında berençe cidelekkä kerde. Ekaterinburgta uzgan «Kinoxakaton» pitçingında töp prizlarnı da yauladı. Näk menä şunda rejisser Aleksandr Şulgin belän tanışkan ide igetlär.

Komandanıñ töp wäkilläre:

Rejisser – Ilşat Räximbay.

Prodyuser – Almaz Sämigullin.

Rässam – Anastasiya Starikowa.

Kompozitor – Elmir Nizamow.

Akterlar – Rauşan Şärif, Marsel Timofeew.

Operator – Aydar Şäripow.