«Sälätkä nur bulgan yoldızlar» VI açık ädäbi konkursınıñ finalı ← kire kaytirga

13-nçe aprel 14:00 Sälät yortında (Ostrowskiy ur.23) Flüs Latıyfi isemendäge «Sälätkä nur bulgan yoldızlar» VI açık ädäbi konkursınıñ finalı uzaçak.

Älege ädäbi konkurs «Sälät» oeşması, Tatarstan Respublikasınıñ fän häm mägarif ministrlıgı, Tatarstan Respublikasınıñ yaşlär eşläre häm sport ministrlıgı tarafınnan, «Yalkın», «Idel», «Salawat küpere» jurnalları belän berlektä oeştırıla. Bıel ul altınçı tapkır ütkärelä. (Älege konkurs berençe tapkır 2013-nçe elda uzgan ide). 

Bıel konkurska 262 gariza kabul itelde. Şular arasınnan 155 keşe saylap alu turın ütte. Xäzerge wakıtta konkurs eşläre jyuri tarafınnan tikşerelä.

Konkursnıñ töp burıçları:
- ädäbi icat ölkäsendä sälätle balalarnı häm yaşlärne barlau, alarnıñ üseşen täemin itü;
- sälätle yaşlärdä tatar ädäbiyatı belän kızıksınu uyatu;
- yaşlärdä zäwık häm ädäbi kultura tärbiyaläü;
- yaş sälätle awtorlarnı bügenge tatar ädäbiyatı häm tatar xalkınıñ milli gorurlıgı bulgan äsärlär belän tanıştıru;
- sälätle yaşlärne «Sälät» proektlarına yakınaytu.

«Sälät»kä nur bulgan yoldızlar» konkursına 12 yaştän alıp 22 yaşkäçä mäktäp ukuçıları häm studentları katnaşa ala.

Bıel konkurs 4 nominatsiyadä ütkärelä : Şigriyat, Çäçmä äsär, Balalar ädäbiyatı, Üzeñneñ ädäbi blogıñnı alıp baru (soñgı nominatsiya bıel berençe tapkır kertelde). Büläkläü tantanası ädäbi kiçä formatında ütäçäk. Ciñüçelärneñ eşläre cıentık bulıp tuplanaçak.
Kazıylar şurasına Tatarstan Yazuçılar soyuzı ägzaları, tanılgan şagıyrlär, yazuçılar, jurnalistlar kerä. 

Möxtäräm jyuri:

Proza:
1. Radik Sabirow  –   «Idel» jurnalınıñ baş möxärrire, filologiya fännäre kandidatı
2. Rifä Raxman –  şagıyrä, dotsent, filologiya fännäre kandidatı, «Idel» jurnalınıñ proza häm şigriyat bülege möxärrire
3. Gölüsä Zakirowa –  «Idel» jurnalınıñ baş möxärrir urınbasarı

Poeziya:
1. Yoldız Miñnullina –  şagıyrä, Tatarstan Yazuçılar berlege ägzası
2. Luiza Yansuar –  şagıyrä, Tatarstan Yazuçılar berlege ägzası, «Tatarstan» jurnalınıñ ädäbi redaktorı

Balalar ädäbiyatı:
1. Adilä Borhanowa –  «Salawat küpere» jurnalı baş möxärrire
2. Gölnaz Yarmiewa – «Salawat küpere» jurnalınıñ baş möxärrir urınbasarı
3. Alsu Nizamiewa – «Salawat küpere» jurnalı redaktor
4. Olesya Dmitriewa – «Salawat küpere» jurnalı redaktor

Blog alıp baru:
1. Gölşat Gıymadiewa – Sälät media-üzäge citäkçese
2. Sömbel Gaffarowa – Yazuçı, jurnalist
3. Läysän Soltanowa – «Ixsan» uku-ukıtu üzäge citäkçese

Beleşmä: Konkursnıñ Flüs Latıyfi isemen yörtüe oçraklı tügel. Sälät oeşması üz eşen başlaganda ük, ädäbiyat belän kızıksıngan yaşlärne, kaläm tibrätüçe sälkeşlärne cıep, alar belän eşläüdä üz initsiatiwasın kürsätä. Sälätneñ cäyge alannarında proza häm publitsistika buença master-klasslar oeştıra, tatar xalkınıñ tarixı turında lektsiyalär ukıy.