«Bezneñ fiker» klubınıñ küçmä sessiyase kire kaytirga

«Bezneñ fiker» klubınıñ küçmä sessiyase
Duslar, Sezne yañalıklar belän tanıştıruıbıznı däwam itäbez. 

Dekabr – «Bezneñ fiker» tatar telendäge diskussion klubı öçen iñ cawaplı häm dulkınlandıruçı ay bulıp tarixka kerep kalaçak. Çönki 8-nçe dekabr könne barlıgı 40 katnaşuçı belän «Plamya» balalar sälamätländerü lagerena kuzgalaçakbız. Anda bezne osta spikerlar belän küñelle künekmälär, tanılgan şäxeslärdän master-klasslar häm, älbättä, debat uennarı karşı alaçak. Barlık çaralar da barı tik tatar telendä alıp barılaçak. Çönki mäktäpneñ töp maksatlarınıñ berse – tatar telen üsterü häm här ölkädä anı yaktırtu. Dimäk, «Bezneñ fiker» mäktäbendä barlık katnaşuçı öçen üzendä yaña sälät açu häm barı tik yaxşı yaktan tanıtu, yañalıkka omtılu mömkinlege bulaçak. Bu proekt ike däülät telendä dä xalık aldında sıyfatlı çıgış yasau kulturasın formalaştıru öçen unikal mäydançık bulıp tora. 

Kızıksınu uyattıkmı? 

Alaysa töp mäglümatnı iseñnän çıgarma: 

Ütkärelü wakıtı: 08.12.17-10.12.17 

Garizalarnı kabul itü wakıtı: 1.11.17- 26.11.17 

Garizalarnı https://portfolio-selet.ru saytında kaldıra alasız. 

Proektka sıltama: https://vk.com/tatardebat

Älege küçmä sessiyadä 14-19 yaşlek sälätçelär katnaşa ala. Oçraşkanga kadär!