«Mirax» ligasınıñ berençe patriotik uenı kire kaytirga

«Mirax» ligasınıñ berençe patriotik uenı

Yakşämbe könne Sälät Yortında «Mirax» intellektual ligasınıñ «1418» temasına bagışlangan berençe patriotik uenı ütkärelde. Älege uen Böek Watan sugışında ciñügä 73 el tuluga bagışlangan ide. 

Uennıñ maksatı nindi? Programma närsädän gıybarät ide? Barlık soraularga bezgä «Mirax» intellektual klubınıñ citäkçese Ilüzä Xösnullina cawap birde. 

Uennıñ töp maksatı nindi? 

- «Mirax» uennarınıñ töp maksatı – intellektual üseş, eruditsiyane üsterü. Bu uenda isä – xärbi wakıygalar turında bulgan belemnärne kiñäytü ide. Şäxsän üzemneñ maksat – auditoriyane kiñäytü. Älbättä, biredä inde ozak uynauçılar küp, läkin, minem bötenläy yaña keşelär, şäxeslär belän eşläp karıysım kilä. Ütkän uenda yaña keşelär baytak ide. Şunısı bik şatlandırdı. 

Uenda barlıgı küpme komanda katnaştı? 

- Gomumän, uenda 20 komanda köç sınaştı. Alarnıñ yaş kategoriyase 15-20 gä kadär ide. 

Uennıñ programması närsädän gıybarät? 

- Uen «kwiz» (quiz) formatında ütkärelde. Ul – muzıkal, wizual häm klassik öleşlärdän tordı. Soraular awtorı Ruslan Sabirow («Sälät-Rauşan» sälkeşe, Bilärdä uzuçı intellektual uen oeştıruçısınıñ berse) ide. 

Ciñüçe isemenä kem laek buldı? 

3 urın – «Otmetşino» 
2 urın – «Ximiçeskiy legion» 
1 urın – «Korabl ego weliçestwa Prints Uelskiy». 

Barlık ciñüçelär dä «Kwiz pliz» küñel açu yarışında katnaşır öçen maxsus sertifikatlarga iya buldılar.

Fotoreportaj