«Xökümät». «Oppozitsiya». Sin kem yagında? ← kire kaytirga

15-nçe mart könne 15:30da Sälät Yortında tatar telendä uzuçı «Bezneñ fiker» debatlar ligası uenı uzaçak.

 Debatlar kızık formatta uza: britan parlament debatları.

Härber katnaşuçı uen kagıydälären belergä tieş. Näk menä şunıñ öçen sezgä alar belän yakınnan tanışırga täkdim itäbez.

Uen kagıydäläre

Uen Britan parlament debatları formatında ütkärelä. 

Britan formattagı debatlar ike uençıdan torgan dürt komanda arasında uzdırıla. Uenga ber, yaki berniçä kazıy bäya birälär.

Komandalarga ciräbä näticäläre buença pozitsiyalär bilgelänä: xökümät yaki oppozitsiya.

Alarnıñ burıçları:

Xökümät — kanun proektı kertep, kazıylarnı anıñ kiräklegenä inandıra;
Oppozitsiya — täkdim itelgän kanun proektınıñ kiräk bulmaganın yaki, xätta, anıñ zıyanlı buluın dälilli.

Äzerlänü 

— Komandalarnıñ härber raundka äzerlänü wakıtı bar (oeştıruçılar belän xäl itelä).
— Komandalar uen urınına älege raundka planlaştırılgan wakıt kısalarında biş minut eçendä kilergä tieş.
— Uençılarga äzerlänü wakıtında häm raund barışında östäldä basma, yazmaça, elektron materiallar totırga, kullanırga röxsät itelä. Basma material üz eçenä kitaplar, jurnallar, gazetalar häm başka oxşaş materiallarnı ala. Çıgış wakıtında basma materiallarnı kullanu tıela!

Çıgış öçen wakıt

— Härber çıgışnıñ ozınlıgı 4 minut täşkil itä.

— Berençe minut tämamlangaç, soñgı minut başında uençıga maxsus signal birelä (alkış, çükeç belän sugu)

— Wakıtnıñ tämamlanuı rättän baruçı ike signal belän bilgelänä (ike alkış, çükeç belän sugu)

Argumentatsiya 

- Argumentatsiya üz eçenä älege rolne dälilläüçe dälillär, fiker yörtü, misallar, faktlar häm başka materiallarnı tuplıy.
- Argumentatsiya üz eçenä konstruktiw (zur, yaña, uñay) material häm kire kagunı ala.
- Barlık uençılar da (soñgı ikesennän kala) konstruktiw argumentatsiyane kürsätergä burıçlı.
- Argumentatsiya eş buença bulırga tieş. Dälillär bäxäs predmetı häm älege rol belän bäyle bulırga tieş.

- Dälillär nigezlängän häm logik yaktan üseş algan bulırga tieş.
- Dälillär komandanıñ dälillärenä, anıñ rolenä karşı kilmäskä tieş.

Duslar, keşelärne üz yagıgızga iyargä öyränergä yaki debaterlarnı häm kazıylarnı dälilläregez belän gacäpkä kaldırırga telisezme? Alay bulgaç, Sälät Yortında oçraşkanga kadär!