Äydamannar üz alannarınıñ prezentatsiyalären täkdim ittelär ← kire kaytirga

Kiçä, «Baytik» BSÜdä bulaçak äydamannar «Sälät» Fondı başkarma direktorı Timur Söläymanowka häm «Sälät» yaşlär üzäge direktorı Aygöl Gabdraxmanowaga üz alannarınıñ prezentatsiyalären täkdim ittelär. 

Bu kiçne säxnädä kiläse alannarnıñ çıgışların küzätep buldı:

• «Sälät-Tel»
• «Sälät-Ostalar bistäse»
• «Sälät-Aznakay»
• «Sälät-Baylar Sabası»
• «Sälät-Batır»
• «Sälät-Bilär»
• «Sälät-Bolgar»
• «Sälät-Bua(Gayrät)»
• «Sälät-Bögelmä»
• «Sälät-Kandrakül»
• «Sälät-Rauşan»
• « Sälät-Ruxiyat»
• « Sälät-Samara»
• « Sälät-Yar Çallı»
• « Sälät-Sanak»
• « Sälät-Eşmäkär»
• « Sälät-Akbüre»
• « Sälät-Şäxes»
• « Sälät-Imänkäy» 

Biredä, härber alan danın yaklauçı wäkillär, smenaga äzerlänüneñ berniçä etabı belän urtaklaşıp kittelär. 

Iñ berençe çiratta, härber alan üzeneñ töp yunäleşe, maksatları turında söyläde. Añlaganıbızça, smena däwamında barlık çaralar, däreslär, äzme-küpme näk menä älege yunäleşkä nigezlänäçäk. Mäsälän, «Sälät-Bilär»neñ töp yunäleşe: ekologiya, hönärçelek. 

Ikençe bülek bulıp äydamannar PR-kampaniyane karadılar. Biredä isä alar beryulı berniçä burıçnı ütäp bara. Berençedän, internet çeltärendä (Instagram, Wkonakte törkemnäre) alannı reklamalau eşçänlege başlanıp kitä. Ikençedän, sälkeşlärne komanda, yagni direktor, ölkän äydaman, äydamannar belän tanıştıru başlana. Tanıştıru bülekçäsen härber alan törledän-törle formatta yasarga täkdim itte. Monıñ töp burıçı: balalarnı cälep itü. Öçençedän, älege alan törkemnärendä, bitlärendä Sälät oeşması turında mäglümat birü, şulay uk balalarnı cälep itü öçen törle kızıklı formatta bulgan uennar ütkärü. 

Kiläse blok – uku-ukıtu programması. «Härber rayonda böek, tanılgan şäxeslär bar. Däreslärgä, ostaxanälärgä, minemçä, alarnı çakırırga kiräk. Çönki näk menä alar älege cirlek tarixı turında centekläp söyli alaçak. Bu minem sezgä täkdimem», – dip üz fikeren belderde Timur Söläymanow.
Biredä, şulay uk härber alannıñ üzenä genä xas programması tözelä. Uku-ukıtu programması ike törgä bülenä: däreslär häm ostaxanälär.

Berençesendä isä küpçelek mäktäptä ukıla torgan fännär bulsa, ikençesendä sälkeşne törle yaklap üsterügä yunältelgän ostaxanälär buluı kötelä. Şunı dä iskä töşerep kitergä kiräk, barlık däreslär, ostaxanälär dä smenanıñ töp yunäleşenä nigezlänä. 

Balalarga şulay uk möhim bulgan küñel-açu programması turında da centekläp söylädelär. Härber alan inde nindider däräcädä goref-gadätkä kergän çaralarnı häm bötenläy ör-yañaların da täkdim ittelär. 

Tagın ber blok – smenanıñ äzerlänü kartası. Biredä, äydamannar smenaga tulaem äzerlänü etapların täkdim ittelär. Näk menä bu öleştä balalarnı tuplau, plan-setkanı buldıru, aktiw räweştä PR-kampaniya belän şögıllänü, komanda belän cıelışlar ütkärü, häm med.osmotr sorauları karalgan. 

Şunı äytep kitergä kiräk, barlık smenalarnıñ töp eşçänlege näk menä fewral aenda başlanıp kitäçäk. Kübese belgänçä, alannarga baruçılarnıñ berençe isemlege inde iglan itelde.
Sin äle garizañnı cibärmädeñ? Alaysı xäzer ük portfolio-selet.ru saytına kerep garizañnı tutırırga aşık! Cäeñne bezneñ belän Sälättä ütkär!