«Sälät»tä ikençe kön ← kire kaytirga

Bügenge könebez, gadättägeçä, irtänge zaryadkadan başlandı. Törkemeñ belän bergä künegülär yasau küñelleräk tä.

Barıbız da «Sälät»täge bişençe smenanıñ räsmi räweştäge açılışında katnaştık. Bügen bezgä bik küp kunaklar kildelär. TR Yaşlär eşläre buença ministrnıñ berençe urınbasarı Timur Söläymanow, mägarif häm fän ministrı urınbasarı Larisa Sulima, «Rossiya balalar-yaşüsmerlär üzäge» FGBU direktorı Alisä Kryukowa da älege tantanada katnaştılar. Bez alarnı berdäm bulıp karşıladık, biyu büläk itttek. Kaderle kunaklarıbız da buş kilmägännär. Alar büläk itkän keçkenä genä bulsa da, istälekle büläklär äle bezgä sälät turında ozak iskä töşerep torır. Monda algan belemnärebez dä yugalmas. Alar bezgä bersennän berse faydalırak ostaxanälär dä kürsättelär. «XXI gasır liderları», «Kem ul lider?», «Liderlık nigezläre» kebek isemnäre ük kızıksındırıp tora torgan çaralarda härberebez teläp katnaştı.

Min Möbärakşin Ayrat Ildus ulı ütkärgän «Wolontyorlık» digän master-klass karadım. Üzem öçen küp mäglümat tupladım. Bezgä FIFA (Xalıkara futbol federatsiyase) turında söylädelär. Niçek wolontyor bulırga kiräklegen dä beldek. Bu eşneñ awırlıkları häm uñay yakları turında da söylädelär. Härkemneñ dä wolontyor eşendä üzen sınap karıysı kilgänder dip uylıym.

Kiç bez «Närsä? Kayda? Kayçan?» uenına cıeldık. Härber alan ciñärgä tırıştı, üz komandası öçen can attı. Näticädä alanıbız ikençe urın aldı.

Şulay itep smenabıznıñ ikençe köne dä faydalı häm küñelle uzdı.

Sälkeş Älfinur