«El ölkän äydamanı» Aliya Äxmätowa ← kire kaytirga

«Sämrux» – mömkinleklär moxite. Biredä härber keşe üzenä birelgän mömkinlek belän kullana ala. Älege möhim adımnı kurıykmıyça yasagannarnıñ berse – «El ölkän äydamanı» Aliya Äxmätowa. Kotlıybız!

Sineñ öçen Sälät ul – …

- Minem öçen Sälät ul – mömkinleklär moxite. Berençedän, älege oeşmada üz potentsialıñnı açırga, plannarıñnı tormışka aşırırga mömkin. Ikençedän, bu oeşmada minem küp duslarım bar. Gomumän, min Sälätne ikençe gailäm dip tä äytä alam.

Sälättä närsä belän şögıllänäseñ?

- Xäzerge wakıtta «Sälät Klubı» proektınıñ olı kuratorı wazıyfasın ütim. Şulay uk küp kenä Sälät proektlarında aktiw katnaşam. Cäyge aylarda min – «Sälät-Rauşan», «Sälät-Ostalar Bistäse» häm «Sälät-Monreal» smenalarınıñ äydamanı, ölkän äydamanı.

Bezneñ oeşmadan tış, närsä belän şögıllänäseñ?

- Ingliz telen öyränäm, iktisad temalarına yazmalar yazam, küp kenä proektlarda, forumnarda, fänni konferentsiyalärdä katnaşam. Balalarnı ingliz tele buença TDIgä äzerlim. Buş wakıtta sport belän şögıllänergä yaratam: biyu, snoubord, yözü h.b.

Sineñ Sälättäge töp kazanışıñ?

- 2017-nçe elda «Bilär Forum»da «Sälät» proektları citäkçese Ädip Älmirdän büläk itep şämäxä futbolka alu.

Sineñ öçen «Sämrux» ul – ...

- Minem öçen «Sämrux» ul – barlık keşelärgä üzeñneñ närsägä mömkin bulganıñnı kürsätä alu. «Sämrux» – barlık duslarıñnı, sälkeşläreñne kürergä yunältelgän çara. Biredä tulısınça Sälät moxitenä kerep kitergä mömkin. Ä iñ kızıgı, älege premiya yañadan matur külmäk kiyu mömkinlegen büläk itä. (Elmaya)

«Sämrux» premiyasendä ciñer öçen nindi 3 sıyfatka iya bulırga kiräk?

- Barısı da bik gadi: maksatçanlık, ixlaslılık häm ücätlek.

Ciñüne kötkän ideñme?

- Ciñüne bik köttem, läkin, şul uk wakıtta şiklänä dä idem. Köndäşlärem bik köçle ide! Minemçä, alarnıñ härberse dä ciñügä laek. Häm alarnıñ iñ zur ciñüläre äle alda dip sanıym!

Sin katnaşkan nominatsiyadä sinnän tış tagın kem ciñä alır ide?

- Fänil Xäsänow. Ul barlık ölkän äydamannarga ürnäk!

Üzeñ turında söyläp kit.

- Isemem Aliya, miña 21 yaş. Kazan Federal Uniwersitetınıñ idarä, iktisad häm finanslar institutınıñ 4-nçe kurs studentı.

Kiläse elda «Sämrux»ta katnaşuçılarga närsä telär ideñ?

- Kurıkmagız! Barı tik eşlägez! Härwakıtta da närsägäder sıltap bula... Läkin, minemçä, üz aldıña sine kurkıta torgan maksat kuep, barlık tırışlıklarıñ belän aña ireşü – çın ciñü! Barısı da kilep çıgaçak!