«Alabuga» (maxsus iktisadi zona) kompaniyase bulaçak top-menedjerlarnı cıya ← kire kaytirga

Bik zur «Alabuga» (maxsus iktisadi zona) kompaniyase Korporatiw Uniwersitetına Räsäy buença öçençe tapkır katnaşuçılar cıya. Älege Korporatiw Uniwersitet – karera öçen unikal akselerator, biredä här çıgarılış ukuçısı sänägat menedjmentı buença şäxsi proektın çınga aşıru öçen mömkinleklär häm resurslar taba ala.

Korporatiw Uniwersitet – top-menedjerlar belän berlektä 3 aylık intensiw uku ul. Studentlarnıñ ostazları bulıp Ford, Belaya Daça, 3M, Kastamonu, Rockwool, Interskol, Armstrong häm başka xalıkara, federal oeşmalar wäkilläre toraçak. Biznes-trenerlar isemlegendä Räsäyneñ äydäp baruçı praktikları gına. Ukıtunıñ maksatı – maxsus iktisadi zona kısalarında şäxsi proektıñnı tormışka aşıru.

Öç aylık kurstan soñ Korporatiw Uniwersitetnıñ çıgarılış ukuçıları zur proektlar belän idarä itärgä, xalıkara inwestitsiyalär belän eşlärgä, uñışlı komandalar tudırırga, daimi üzgäreşlär şartlarında, top-menedjerlar, eşmäkärlär däräcäsendä eşli belergä tieşlär.

«Bezneñ ukuçılar törle däräcädä proektlar uylap tabarga sälätle: cirle proektlardan başlap xalıkaraga xätle. Bügen Maxsus iktisadi zonada nuldän yaña zawodlarnı torgızıp, alar belän idarä itä alırlık keşelärne ukıtasıbız kilä. Şundıy keşelärgä ostalıgıbıznı, praktikabıznı citkerergä, mömkinleklär, resurslar tudırırga äzerbez!  Bez sezdän Räsäy sänägate generalların yasarbız!» - dip wägdä itä Korporatiw Uniwersitet direktorı Dmitriy Kiselew.

«Alabuga» (maxsus iktisadi zona) Korporatiw Uniwersitetı el saen il buylap 5000 gariza cıya, alar arasınnan 75 kandidatnı – üz eşe öçen yanıp-köep yörüçelärne aerıp ala. Axır çiktä barlık katnaşuçılar sanınnan 25 keşe genä kala: näk menä alar Korporatiw Uniwersitetnıñ studentlar bulalar da inde. Anıñ 2 ellık eşçänlege däwerendä 50-dän 30 çıgarılış studentı Maxsus iktisadi zonanıñ citäkçeläre däräcäsenä mengän. Kalgan kandidatlar elekkege eş urınında kütärelü algan.

Uniwersitetta yaş häm belgeçlek kategoriyaläre buença çikläülär yuk. Üz proektıñnı çınga aşırıp, kuelgan maksatlarıña ireşü öçen saytta gariza kaldıru kiräk. Saylap alu berniçä etaptan tora: onlayn-test, skayp buença söyläşü, biznes-simulyatsiya. Ukular 1-nçe oktyabrdän başlanıp kitäçäk.