«Алабуга» (махсус икътисади зона) компаниясе булачак топ-менеджерларны җыя ← кире кайтырга
Бик зур «Алабуга» (махсус икътисади зона) компаниясе Корпоратив Университетына Рәсәй буенча өченче тапкыр катнашучылар җыя. Әлеге Корпоратив Университет – карьера өчен уникаль акселератор, биредә һәр чыгарылыш укучысы сәнәгать менеджменты буенча шәхси проектын чынга ашыру өчен мөмкинлекләр һәм ресурслар таба ала.
Корпоратив Университет – топ-менеджерлар белән берлектә 3 айлык интенсив уку ул. Студентларның остазлары булып Ford, Белая Дача, 3М, Kastamonu, Rockwool, Интерскол, Armstrong һәм башка халыкара, федераль оешмалар вәкилләре торачак. Бизнес-тренерлар исемлегендә Рәсәйнең әйдәп баручы практиклары гына. Укытуның максаты – махсус икътисади зона кысаларында шәхси проектыңны тормышка ашыру.
Өч айлык курстан соң Корпоратив Университетның чыгарылыш укучылары зур проектлар белән идарә итәргә, халыкара инвестицияләр белән эшләргә, уңышлы командалар тудырырга, даими үзгәрешләр шартларында, топ-менеджерлар, эшмәкәрләр дәрәҗәсендә эшли белергә тиешләр.
«Безнең укучылар төрле дәрәҗәдә проектлар уйлап табарга сәләтле: җирле проектлардан башлап халыкарага хәтле. Бүген Махсус икътисади зонада нульдән яңа заводларны торгызып, алар белән идарә итә алырлык кешеләрне укытасыбыз килә. Шундый кешеләргә осталыгыбызны, практикабызны җиткерергә, мөмкинлекләр, ресурслар тудырырга әзербез! Без сездән Рәсәй сәнәгате генералларын ясарбыз!» - дип вәгъдә итә Корпоратив Университет директоры Дмитрий Киселев.
«Алабуга» (махсус икътисади зона) Корпоратив Университеты ел саен ил буйлап 5000 гариза җыя, алар арасыннан 75 кандидатны – үз эше өчен янып-көеп йөрүчеләрне аерып ала. Ахыр чиктә барлык катнашучылар саныннан 25 кеше генә кала: нәкъ менә алар Корпоратив Университетның студентлар булалар да инде. Аның 2 еллык эшчәнлеге дәверендә 50-дән 30 чыгарылыш студенты Махсус икътисади зонаның җитәкчеләре дәрәҗәсенә менгән. Калган кандидатлар элеккеге эш урынында күтәрелү алган.
Университетта яшь һәм белгечлек категорияләре буенча чикләүләр юк. Үз проектыңны чынга ашырып, куелган максатларыңа ирешү өчен сайтта гариза калдыру кирәк. Сайлап алу берничә этаптан тора: онлайн-тест, скайп буенча сөйләшү, бизнес-симуляция. Укулар 1-нче октябрьдән башланып китәчәк.