«Bezneñ fiker» uenında milli täñgällek xakında söyläştek ← kire kaytirga

Tatar telendäge «Bezneñ fiker» parlament debatlarınıñ öçençe ligası iñ köçle debatçılarnı bilgeläwen däwam itä. Şuşı könnärdä Sälät yortında çirekfinal uenı uzdı.

Saylap alu turları näticäläre buença, älege uenga Kazan şähäreneñ 155-nçe gimnaziyase häm 129-nçı mäktäbe ukuçıları çakırılgan ide. Uennıñ töp ostazı häm xakime bularak Sälät proektları citäkçese Ädip Älmir çıgış yasadı.

Bäxäsläşü öçen bik akutal häm kızıklı tema saylangan ide: «Bu pulat bügenge zamanda milli täñgällek keşegä yardäm itä dip sanıy». Ike törkemgä bülenep katnaşuçılar üz fikerlären belderde, nik bu pozitsiyane saylawın añlattı.

Oppozitsiya yagı milli täñgällek ber situatsiyagä dä yogıntı yasarga tieş tügel dip sanadı. Alar fikerençä, awır xäldä kalgan keşegä yardäm kiräk bulganda, tege yaki bu keşe eşkä urnaşkanda yaki bütän oçrakta töp igtibar şäxsi sıyfatlarga gına birelergä tieş. Xakimiyat ägzaları isä, kiresençä, milli täñgällek bik möhim digän fikergä kilde. Çönki goref-gadätlärebezneñ, mädäniyatebezneñ saklanıp kaluı millättäşlärebezdän tora.

Uennıñ başınnan axırına kadär Ädip Älmir bezneñ belän buldı, kiñäşlären birep, fikeren belderep tordı, ä axırdı näticälär yasadı. «Gomumän alganda da, bu bik bäxäsle häm çeterekle tema. Häm bu xakta bik ozak fiker alışıp bulır ide. Äytergä kiräk, eş häm eşlekle mönäsäbätlärgä milli täñgällekne katıştıru döres bulmas. Ä menä gailädäge şäxsi mönäsäbätlärdä milli koloritnı saklap kalu bik kiräk. Sälät berläşmäsendä millät buença aeru yuk. Bez här millät balasına da şatbız. Tik tatar telen belü yaisä öyränergä omtılu zarur. Sälkeş üzeneñ şäcäräsen belergä, ütkänen xörmätlärgä, gorurlanırga tieş», – dip iskärtte Ädip Älmir.

Barlık katnaşuçılar da älege oçraşu belän bik kanägat kaldılar, yaña ciñülärgä ilhamlandılar. 

Sälät media-mäktäbe ukuçısı Alinä Sısoewa