Timur Söläymanow: «Bezneñ burıç — Sälättä balalarnıñ küpkırlı üseşe öçen şartlar tudıru» ← kire kaytirga

«Sälät» forumında «Asıl gailä» cıenı bulıp uzdı

Kiçä «Sälät» forumına «Asıltaş» Sälät mäktäbe ukuçıları häm «Bäläkäç» klubı balaları, alarnıñ äti-äniläre, şulay uk berniçä buında Sälät belän bäyle bulgan gailälär kilde. 154 katnaşuçı — 44 gailä forum moxitenä çumdı häm Bilär cirendä bergä wakıt ütkärde.

Oçraşu «Asıl gailä» proektı kısalarında uzdırıldı. Anıñ maksatı —Sälät gailäläreneñ üzara xezmättäşlege öçen mäydançık buldıru, «Asıltaş» Sälät mäktäbe häm «Bäläkäç» klubı balaların forum cirlege belän tanıştıru, şulay uk katnaşuçılarnıñ küpkırlı üseşe öçen şartlar tudıru.

Katnaşuçılarga sälamläü süzläre belän TR Räise yardämçese, «Aldıngılar xäräkäte» Rässäy balalar häm yaşlär xäräkäteneñ respublika bülege citäkçese Timur Söläymanow möräcägat itte.

«Min Sälätkä berençe tapkır 1994 elda kildem. Ul wakıttan birle küp närsä üzgärde. El saen Sälät üsä, ä biredäge şartlar yaxşıra gına bara. Sälät balalar tarafınnan tözelä. Bezneñ burıç — döres moxit buldıru, alarga küpkırlı üseş öçen barlık kiräkle şartlarnı tudıru, çönki näk menä balalar kiläçäktä bezneñ eşne däwam itäçäk», — dip urtaklaştı ul.

Şulay uk Timur Söläymanow Sälät berläşmäsen üsterügä kertkän öleşe öçen TR Räise Röstäm Miñnexanowka räxmäten belderde.

«2006 elda, premer-ministr bularak, Röstäm Nurgaliewiç Bilär Forumga kilde. Anıñ berençe süzläre: «Ägär üzem biregä kilmägän bulsam, berkayçan da ışanmas idem. Bu balalarga üsärgä mömkinlek birüçe üzgä moxit», — dide ul.

Timur Söläymanow süzlärençä, berençe Sälät alanı 1994 elda Arçada uzgan, anda nibarı 65 bala katnaşkan. Bügenge köndä alannar sanı 30dan arttı, ä el saen Sälät proektlarında 20 meñnän artık keşe katnaşa. Sälät balalarga üz talantların kürsätergä yardäm itüçe festiwallär, uku-ukıtu smenaları, intellektual turnirlar, icadi konkurslar häm başka proektlar oeştıra.

«Asıl gailä» proektı kısalarında balalar häm alarnıñ äti-äniläre öçen tatar mädäniyatenä bagışlangan ostaxanälär, sport uennarı häm icadi çaralar uzdı.

Icadi däreslär wakıtında katnaşuçılar bergäläp «Asıltaş» Sälät mäktäbe emblemasın yasadılar. «Asıl yarış» kısalarında balalar häm alarnıñ äti-äniläre milli tatar uennarı buença turnirda katnaştılar. Kiç belän gailälär «CalawaTIK» tatar balalar törkeme belän bergä «Korıltay» säxnäsendä üzläreneñ icadi sälätlären kürsättelär.