«Berençe bulu – bik cawaplı eş» ← kire kaytirga
– Sälätneñ cäyge alannarına start birü kıen buldımı? Smenaga niçek äzerländegez, komanda belän niçek eşlädegez?
– 2019-nçı elnıñ cäyge sezonın başlap cibärüçe smena bulu, älbättä, zur cawaplılık sorıy. Bu cäyge kanikulnıñ niçek uzuı bezneñ niçek başlap cibärüdän tora bit. Şuña kürä bez äzerlek eşlären berniçä ay aldan başladık. Komanda belän berdäm bulıp eşlädek, härkem üz öleşen kertte.
– Smenada niçä bala ide? Kaylardan kildelär?
– Böten Tatarstannan 80 bala cıelgan ide.
– Sez äle cäyge alan formatında küptän tügel genä eşli başladıgız. Sezneñ alan başkalardan närsä belän aerıla?
– Iñ töp aerması – yaş kategoriyase.
Pedagoglarnıñ professionallege, smenanı uzdıru şartları, keçe yaştäge balalar öçen maxsuslaştırılgan programma – bolar barısı da bezneñ alanda yaxşı moxit tudırırga bulışa. Bezneñ alannıñ töp yunäleşe – olimpiadaga äzerlek, şul yunäleştä däreslär uzdı. Şulay uk bez balalarnı küpkırlı şäxeslär itep tärbiyalärgä tırışabız – anıñ buença da küp eş başkarıldı. Küñel açu programması da kızıklı buldı. Balalarga bigräk tä «Fen-gid» (anda ximiya häm fizikadan täcribälär kuydık), «Fresh-sägat» (sälamätländerü çaraları), iktisadi uen, kiçke çaralar oşadı.
– Sineñçä, smena niçek uzdı?
– Minemçä, nıklı bişle kuep bula! Tagın da üsärgä urın bar, älbättä. Sälkeşlärneñ teläklären dä tıñladık. Xäzer yaña uku elına äzerlänä başlıybız, bezne anda yaña proekt häm küp kenä yañalıklar kötä. Küzätep barıgız!
Ämir Safin, 11yaş, Kazan:
- Miña lagerda barısı da oşadı! Menä digän ukıtuçılar häm bik kızıklı däreslär. Monda yaña duslar belän tanıştım, bik küñelle buldı! «Olimpta» iñ yaxşı äydamannar. Alar teläsä kaysı oçrakta yardäm itte. Üz mömkinlekläreñne bäyalär öçen IQ test bik bulıştı. Mömkinlek bulsa, Sälätneñ barlık smenalarına da barır idem! «Sälät-Olimp»nı yaratam!