Sälkipüşlärneñ ruxi yaktan üsülären kürü – bezneñ öçen zur bäxet! ← kire kaytirga

Sälät gailäse buınnan-buınga däwam itep kilä. Bu zur bäxet! Keçkenädän, bez, «Bäläkäç» balalar klubı kısalarında sälkipüşlär üsteräbez. Eldan-el balalar tatar telendä başkarılgan törle çıgışlar belän bezne kuandırıp kilälär. Afärin!

Ukıtuçılarıbızga räxmätlärebezne belderäbez: wokal – Läysän Arsentewa, räsem – Güzäl Garipowa, animatsiya – Kseniya Leleko, teatr – Güzäl Sibgatullina. Şulay uk bu çaranı oeştırgan proekt citäkçese – Güzäl Xasanowaga häm klub administratorı – Alsu Salawatowaga bik zur räxmät. Sezdän başka, şundıy möhim missiyane başkarıp bulmas ide.

Bergäläp bez, sälkipüşlärgä, çın äkiyati yaña el bäyräme oeştırdık!

Balalarnı Kış babay da kotlarga kilgän ide. Gadi genä dä tügel, ä çın professional – G.Kamal isemendäge TDAT akterı Irek Kaşapow. Anıñ zur kapçıgında härkemgä dä büläk tabıldı. Balalar bik yaxşı çıgışlar yasadılar: G.Tukay, M.Cälil şigırlären söylädelär, tatar xalık häm Sälät cırları belän äti-änilären söenderdelär, şulay uk yaña gına öyrängän «Çerki bez» cırın başkardılar, tatar xalık biyulären dä biedelär. Ä nindi matur kostyumnar ide bezneñ sälkipüşlärdä!

Balalarnıñ ruxi yaktan üsülären kürü – bezneñ öçen zur bäxet! Kaderle Sälät weterannarı, sezne, balalarıgız belän yaña 2018-nçe elda «Bäläkäç»tä kötep kalabız!