400 yaş eşmäkär IXOnı START-AP PLATFORMAda öyränä ← kire kaytirga

20-nçe mart könne, Islam xezmättäşlegen oeştıru illäreneñ yaş eşmäkärläre öçen IXOnı onlayn START-AP PLATFORMAda öyrätü başlanıp kitte. www.oicstartups.org platformasında terkälü häm saylap alu turın uzgannan soñ, onlayn ukıtularda dönyanıñ 33 ilennän (Räsäy, Äzerbäycan, Kırgızstan, Iran, Malayziya, Indoneziya, Törkiya, h.b.) 18-35 yaş aralıgındagı 400 yaş eşmäkär katnaşa.

Platforma startaperlar, ostazlar häm inwestorlar arasında kommunikatsiya buldıru öçen uylap tabıldı.  Moña östäp katnaşuçılarga törle illärneñ (Räsäy, Böekbritanya, Malayziya, Indoneziya, Törkiya, Pakistan) ukıtuçılarınnan kiñäşlär alu mömkinlege dä tudırılgan.

Katnaşuçılar 6 atna däwamında ingliz telendä belem alalar.

Islam xezmättäşlegen oeştıru illäre häm Räsäy töbäklärennän bulgan 50 iñ yaxşı proekt awtorları IXO illärneñ yaş eşmäkärläre forumına çakırılaçak. Älege çara Kazanda, 15-20-nçe may könnärendä ütäçäk. Töp şart – proekt awtorlarınıñ IT start-ap proektlarnı çınga aşıru öçen inwestitsiyalärdä häm biznes-elemtälärdä kızıksıngan buluı.

Forumnıñ programması iñ kızıklı proektlarnı bilgeläügä, Räsäy häm xalıkara biznes-berläşmä belän ike arada biznes-elemtä buldıruga yunälderelgän.

Biredä saylap alıngan iñ äybät proektlar Räsäy häm IXO illärneñ IX Xalıkara  iktisadi «OIS – KAZANSUMMIT» sammitı kısalarında inwestorlarga täkdim iteläçäk. 

Forumnı Islam xezmättäşlegen oeştıruçı Yaşlär forumı häm Tatarstan Respublikası Xakimiyate ütkärä. Çaranıñ operatorı – «Yugarı texnologiyalär ölkäse texnoparkı «IT-park», Oxademy biznes-mäktäbe yardäme belän Tatarstan Respublikasınıñ ictimagıy «Sälät» yaşlär fondı.

Forum turında tulırak: www.oicyouthforum.tatar.