ZUR MEXANIZMGA ÄWERELDEK! ← kire kaytirga

27-nçe iyul könne LEADERS BILER FORUM sälätle yaşlär öçen räsmi räweştä üz işeklären açıp cibärde.

LEADERS BILER FORUM – liderlık sıyfatların, proekt häm komanda eşe künekmälären üsterügä bagışlangan forum.

Smena programması kısalarında törle hönäri ölkälärdä tanılgan liderlar katnaşında belem birü sessiyaläre häm ostaxanälär planlaştırılgan: fän häm sängat, ictimagıy-säyasi eşçänlek häm sport, mägarif häm biznes.

Bügen forumnıñ räsmi açılu tantanası uzdı. Älege tantanada bik küp kunaklar katnaştı. Alar arasında TR Yaşlär eşläre buença ministrnıñ berençe urınbasarı Timur Söläymanow, mägarif häm fän ministrı urınbasarı Larisa Sulima, «Rossiya balalar-yaşüsmerlär üzäge» FGBU direktorı Alisä Kryukowa häm başkalar bar ide.

Çara Rossiya mäktäp ukuçıları xäräkäte belän tanışudan başlandı, katnaşuçılar bu oeşma turında wideo karadılar. Annan açılış başlanıp kitte. Berençe bulıp katnaşuçılarnı TR Yaşlär eşläre buença ministrnıñ berençe urınbasarı Timur Söläymanow sälamläde, kabat Bilär cirlegenä kaytu belän kotladı. «Sezneñ energiya koyaştan da yaktırak. Bez barıbız da törle, läkin bez bergä, ber dulkında! Sez – kiläçäk buın, bergä bulıp, ilebezne alga alıp barasız!» – dip söyläde ul.

Mägarif häm fän ministrı urınbasarı Larisa Sulima da süzen äytmiçä kalmadı: «Ber urında şunıñ kadär balanıñ cıeluı nindi şatlık! Ike el elek bez Tatarstanda berençe bulıp Rossiya mäktäp ukuçıları xäräkäte eşen başlap cibärdek. Häm bügenge köngä kadär bez üsä genä barabız. Bu, çınnan da, zur söeneç!» – dip söyläde ul.

Bu süzlärgä «Rossiya balalar-yaşüsmerlär üzäge» FGBU direktorı Alisä Kryukowa da kuşıldı.

Çara Sälät häm Rossiya mäktäp ukuçıları xäräkäte älämnären kütärü belän tämamlandı.