Sälät Klubınıñ yaña komandası berençe näticälären yasıy

Sälät Klubı könnän-kön häryaklap üsä häm kamilläşä bara. Anda kaynagan tormışnı küzätep baruçılar monıñ belän kileşer. Tämamlangan uku elı küpsanlı çaraları belän istä kalaçak. Iskä töşeräbez: klub eşçänlege 3 töp yunäleştän gıybarät: «Därman» (intellektual), «Därt» (icadi aktiwlıklar) häm töbäk «Sälät» klubları.

«Därman»

Sälät Wikimäktäbe kısalarında ütkärelgän onlayn häm oflayn çaralarda 200 keşe katnaştı häm wiki-proektlarga 3000-gä yakın tözätmä kertelde. Monnan tış 2 wikisäfär, uku-ukıtu sessiyase häm mäkalälär yazu marafonı oeştırıldı. Tizdän Böek Ciñüneñ 75 ellıgına bagışlangan mäkalälär yazu marafonı näticälären iglan itäçäkbez.

«Mirax» intellektual ligası uennarında 500-dän artık intellektual sorau birelde, 150 katnaşuçını berläştergän 10 çara uzdı. «Närsä? Kayda? Kayçan?» häm Quiz formatındagı uennar oeştırıldı.

«Atlant» östäl uennarı klubında 4 tördä östäl uenı ütkärelde. Alarda barlıgı 200-dän kübräk yaşlär katnaştı. Ädip Älmir kubogına V şaxmat onlayn turnirı da masştablı töstä uzdırıldı. Iñ yaxşı uençılar ciñüçelär bularak bilgelände.

«Bezneñ fiker» tatarça debatlar klubı uenında 150 ukuçı häm student katnaştı, 100 tema uynatıldı, 15 diskussiya oeştırıldı. Gacäpländererlek sannar, şulay bit?

Töbäk «Sälät» klubları

Töbäk «Sälät» klublarınıñ 2019-2020 elgı näticäläre:

· «Sälät – Yaşel Üzän» Klubı el klubı bularak tanıldı.

· 4 yaña klub üz eşçänlegen başlap cibärde.

· 2 gamäli uku-ukıtu seminarı ütkärelde.

· «Sälät» Rossiyaneñ 3 töbägendä aktiw eşläwen däwam itä.

· 12 keşelek kuratorlar komandası bu yalkınlı tormışka ut östäü öçen zur köç kuydı.

«Därt»

Sälät aktiwı mäktäbe eşe näticäsendä 15 proekt tözelde häm alarnı çınga aşıru Sälät klubı planına kertelgän.

Klub ireşkän uñışlarda gına tuktalırga cıenmıy. Kiläse uku elına plannar cäy däwamında häm köz başında Sälät sotsial profillärendä iglan iteler.

Tematik sıltamalar:

Wkontakte çeltärendä Sälät klubı pabligı: https://vk.com/selet_club