Cälät forumı 6 smena formatında uzaçak ← kire kaytirga

   21-nçe iyunnän 8-nçe awgustka kadär Bilär muzey-tıyulıgında VII Xalıkara yaşlär uku-ukıtu Cälät forumı uzaçak.

   Cälät Forumınıñ ideyase üsterü, moxit buldıruga barıp totaşa, ul üzendä intellektual, icat belän kızıksınuçı, mädäni häm ruxi yaktan baerga teläüçe yaşlärne berläşterä. Forum – tatar häm rus telläre moxite, uku-ukıtu, IT-texnologiyalär ölkäsendä täcribä, ideyalär urtaklaşu, şäxsi häm hönäri sıyfatlar üseşe, aktual cämägat, fänni-texnologik trendlar belän tanışu mäydanı.

   Tatarstan Respublikası Prezidentı Röstäm Nurgali ulı Miñnexanow yöklämäse buença, bu elnı Sälät Forumı berençe tapkır 6 smena formatında ütkäreläçäk: 

1.     SOFT SKILLS BILER FORUM (21-25 iyun)

2.     ARTS BILER FORUM (27-30 iyun)

3.     SELET BILER FORUM(4-9 iyul)

4.     IT BILER FORUM (16-21 iyul)

5.     LEADERS BILER FORUM (25-30 iyul)

6.     MEDIA BILER FORUM (3-8 awgust)

   Forum eşçänlegendä Tatarstan Respublikasınıñ barlık rayonnarınnan, Räsäyneñ 45 regionınnan, yakın häm erak 15 çit ildän 15 meñ sälätle balalar, yaşlär, şulay uk çakırılgan kunaklar, ekspertlar katnaşaçak.

   Forumnıñ härber smenası üzeneñ unikal profilenä iya, balalar häm yaşlär potentsialın üsterügä yunältelgän.

   SOFT SKILLS – hönäri näticälekne häm formalaşunı täemin itüçe künekmälärgä bagışlangan. Turıdan-turı konkret predmet ölkäse belän bäyle bulmagan, ämma uñışka ireşer öçen töp bulgan künekmälär. Komandada näticäle eşläü, şäxsi näticälek, tänkıydi fikerläü künekmäläre.

   Forum programması küz aldında törle formattagı belem birü çaraların – profil laboratoriyalär, sport-küñel açu, icadi mäydançıkların tota.

   Ostaxanälär, tanılgan ekspertlar belän oçraşular belän berrättän, şulay uk törle ölkälärdä (fän, sängat, eşmäkärlek) uñışka ireşkän yaşlärneñ unikal täcribäse häm alarnıñ uñış tarixları belän urtaklaşu sessiyaläre planlaştırılgan.

   ARTS BILER FORUM ideyase sälätle balalarnıñ häm yaşlärneñ icadi potentsialın tormışka aşıru öçen moxit buldırudan gıybarät.

   4 köngä forum sälätle muzıkantlar, akterlar, rässamnar häm biyuçelär öçen mömkinleklär moxitenä äylänäçäk. Bu – üzeñne konkurs programmasında kürsätü, icat laboratoriyaläre kısalarında professionallardan unikal belemnär alu, Sälät moxiteneñ öleşe bulu mömkinlege.

   Konkurs programması üz eçenä 3 yunäleş (muzıka, teatr, xoreografiya) häm 3 yaş kategoriyasen kertä (12-14 yaş, 15-18 yaş, 19-22 yaş).

   Bäyge räweşendä saylap alu etabı 1-nçe mayga kadär uza (gariza).

   SELET BILER FORUM – Sälätneñ traditsion festiwal-forumı, töp katnaşuçıları Sälätneñ cäyge profil smenalarına saylap alu bäygesen uzgan sälätle balalar häm yaşlär.

   Bıel smenanı gamälgä aşıru mägarif ölkäsendä aldıngı täcribäne öyränü – dual belem birü, hönär saylarga yardäm itü, onlayn-belem alu, instrumentlar öçen üseş belän bäyle.

   Smena kısalarında Bilär muzey-tıyulıgı territoriyaseneñ üseş mexanizmnarı turında fiker alışu, Tatarstan Respublikası häm Räsäyneñ äydäp baruçı ekspertlar häm galimnärdän, mädäniyat häm sängat eşleklelärennän ostaxanälär, şulay uk laboratoriyalärneñ professional probalar ütkäreläçäk.

   Traditsion räweştä Forumnıñ töp kunagı bulıp Tatarstan Respublikası Prezidentı Röstäm Nurgali ulı Miñnexanow kötelä.

   IT BILER FORUM mäglümati texnologiyalärneñ keşe tormışınıñ barlık ölkäläre öçen möhim rol uynaganın añlauçılarnı berläşteräçäk.

   Älege smena kısalarında aktual bulgan näticäle mäglümatnı ezläü häm eşkärtü instrumentlarına, innowatsion produktlar häm yasalma intellektnı üsterügä bagışlangan profil ostaxanälär, belem birü mäydançıkları planlaştırılgan.

   Diskussion mäydançıkta märtäbäle ekspertlar Forum katnaşuçıların 4-nçe industrial inkıylabnıñ mawıktırgıç dönyasına çumırga täkdim itäçäk.

   LEADERS BILER FORUM – liderlık sıyfatlarnı, proekt häm komanda eşe künekmälären üsterügä bagışlangan.

   Smena Tatarstan Respublikasında Räsäyneñ ukuçılar xäräkäte belän berlektä gamälgä aşırıla. Ul şäxsi, mäktäp üzidarä organnarınıñ üseşendä kızıksıngan 1200dän artık balanı berläşteräçäk.

   Smena programması kısalarında törle hönäri ölkälärdä tanılgan liderlar katnaşında belem birü sessiyaläre häm ostaxanälär planlaştırılgan: fän häm sängat, ictimagıy-säyasi eşçänlek häm sport, mägarif häm biznes.

   MEDIA BILER FORUM – sotsial media-resurslar belän eşläüçe aktual instrumentlarga, radio häm telewidenie üzençäleklärenä bagışlangan.

   Smenada Tatarstan Respublikasınıñ balalar häm yaşlär ictimagıy oeşmalarınıñ liderları – yaş jurnalistlar, blogerlar, praktik häm teoretik profille belemne üsterüdä kızıksıngan yaşlär katnaşaçak.