Kaderle duslar, balalar, äti-änilär, gomumän, älege bezneñ möräcägatne ukuçılar! Xäzerge wakıtta böten Rossiyadä zur aeroportlarga isem kuşu kampaniyase bara. Kazan şähäre aeroportına da törle isemnär täkdim itelä. Bez aeroport isemen genä tügel, ä Kazanıbıznıñ yözen bilgeläüçe, minut saen, köne-töne yañgırap Tatarstannı, Kazanıbıznı, xalkıbıznı dönyaga yañgıratıp toraçak isem saylıybız. Rossiyadä böek isemnär küp. Aeroportlar da küp. Ämma Kazan aeroportı ber genä. Şulay uk böek isemnärdän bezneñ öçen, bötendönya tatarları öçen iñ böek isem ul Gabdulla Tukay iseme. Gabdulla Tukay aşa bezne Rossiyadä belälär, Tukay iseme belän bezne dönya tanıy. Gabdulla Tukay 200 millionlı törki dönya öçen böek şagıyr häm böek şäxes.
Bez Tukay öçen tawışıbıznı birdek. Tukay bezneñ ruxıbızga kanat taga, bez dä yaratkan Tukaebızga kanatlar tagıyk. Kazan oçu mäydanına Gabdulla Tukay isemen kuşunı xuplap tawışlarıbıznı birik!

Sälät proektları citäkçese,
TFA akademigı, KFU professorı Söläymanow C.Ş.

“Sälät” yaşlär üzäge direktorı Gabdraxmanowa A.T.

Tawış birü ısulları:
Welikieimena.rf Kazan Gabdulla Tukay

yaki 8-800-707-93-17 nomerına