Kabattan «Iske Kazan»ga kaytabız! ← kire kaytirga

15-21-nçı awgust könnärendä TRnıñ Biektau rayonında «Iske Kazan» alanı uzaçak. 

«Sälät-Iske Kazan» – tatar xalkı tarixı häm mädäniyate belän kızıksınuçı sälätle yaşlär alanı. Däreslärdä ukuçılar tatar xalkınıñ kilep çıgışın, tarixın, goref-gadätlären, mädäniyaten öyränälär. «Iske Kazan» tarixi muzey-tıyulıgı cirlegendä yaşäü isä alarnı tarixi ütkänebezgä tagın da yakınayta, uzgan gasırlar atmosferasın toyu mömkinlege birä.

Alannıñ tagın ber üzençälege – sälkeşlärgä hönär saylarga yardäm itü. Gamäli ostaxanälärdä ukuçılar eşçe hönärlär belän tanışalar, üzlären törle  hönärlärdä sınap karıylar, maxsus kurslarda kul eşläre belän şögıllänälär.

«Sälät-Iske Kazan» alanında Sälät xäräkäteneñ töp öç burıçı ütälä. Alar:

- sälätle balalar häm üsmerlärne barlau, alarga tormıştagı yulların saylarga bulışu;

- balalarnıñ cäyge yalın oeştıru;

- eşçe hönärlär belän tanışu, kızıksındıru. 

«Sälät-Iske Kazan» alanı Biektau rayonında urnaşkan Iske Kazan tarixi-mädäni muzey-tıyulık cirlegendä Tatarstannan häm kürşe regionnardan cıelgan sälätle balalar öçen oeştırıla.

20-nçe awgust könne alan kısalarında «Iske Kazan» festiwale dä ütkäreläçäk.