10 yaşen tutırgan «Sälät-Aznakay» närsä belän istä kaldı? ← kire kaytirga
«Sälät-Aznakay» – uku-ukıtu, sport häm turizm alanı. Alan programmasında «çit tellär», «stsenariy yazu ostalıgı», «oratorlık ostalıgı», «ideyälär dönyäsı», «şayannar xäm tapkırlar klubı», «matematika», «turizm» kebek ostaxanälär bar. «Sälät-Aznakay»nıñ Äydamannar komandası sälätle balalar belän eşläü üzençäleklären öyrängän täcribäle Äydamannardan tora.
Bez smena direktorı Alinä Lobanowa belän söyläştek. Bıelgı alan närsä belän istä kalaçak – şunı soraştık.
– Smena iskitkeç şäp uzdı! Moxite, çaraları häm komandanıñ şäplege belän istä kalaçak!
Barlıgı 45 bala ide. Alar Aznakaydan gına tügel, şulay uk Älmät, Tübän Kama rayonnarınnan, Yar çallı xäm kazan şäxärlärennän dä balalar buldı
– «Sälät-Aznakay»nıñ ber könen taswirla äle! Smenaga kilä almagannar öçen bik kızıklı bulır bu.
– Ber könne barlık fasıllar köne uzdırdık. Irtäbez yaña el zaryadkasınnan başlanıp kitte, anda kış babay büläklär tarattı. Annarı yaz häm cäy buldı: saban tue ütkärdek, tämle koymaklar belän sıylandık. Ä «monstrlar kanikulda» dip atalgan kiçke kontsert, isemennän añlaşılgança, xellouinga bagışlangan ide, balalar icadi çıgışlar kürsätte.
Tagın ber istä kalgan kön: smenanıñ yubileen bilgeläp ütü. Bezgä bıel 10 yaş bit! balalar kön däwamında kontsert nomerları äzerläde häm kiçke kontsertta çıgış yasadı. Bu kiçke çarada alannı täkdim ittek, kümäk biyu kuydık häm utlı şou kürsättek. Anısın balalar bigräk tä oşattı. Bu könne bezgä bik küp kunak kilde, alar arasında Aznakay rayonı başlıgı da bar ide. Äti-änilär, elekke ellarda eşlägän äydamannar da kilgäç, zur ber gailä bäyrämenä äylände. Axırda tämle tort belän sıylandık.
– Däreslär häm ostaxanälär turında da äytep kit äle..
– Uku-ukıtu sessiyäse programmasında tatar häm törek tele, biyü, bitmeykerlık, şigriyat, dnd, wideo häm fotomontaj däresläre bar ide. Ä ostaxanälärdän – KWN, papercraft häm sotsial çeltärlär belän eşläü.
– Sineñ öçen «Sälät-Aznakay» – ul...
– Böten keşene dä bertigez yarata torgan gailä. Smenanıñ dewizı: «bir kulıñnı, dustım, min anı cibärmäm», Ä töp xeşteglar – #minşulayküräm #etomoeyyasçitayu.