Kaysı klub el klubı isemenä laek bulaçak? ← kire kaytirga

Düşämbe 15 gıynwar könne Sälät yortında «Sämrux-2017» premiyaseneñ «El klubı» nominatsiyaseneñ turıdan-turı saylap alu turı uzaçak. Jyuri ägzaları aldına kiläse klublarnıñ eşçänlege täkdim iteläçäk:

- «Sälät-Yaşel üzän»

- «Sälät-Zäy»

- «Sälät-Bögelmä»

- «Sälät-Älmät»

- «Sälät-Aznakay»

- «Sälät-Aksubay»

- «Sälät-Kazan» (№12 gimnaziya)

Bäyaläü kriteriyları:

- klub ägzalarınıñ ukuda bulgan kazanışları;

- klub ägzalarınıñ olimpiadalarda, bäygelärdä katnaşuları;

- klub ägzalarınıñ mäktäp çaralarında aktiwlıgı;

- klub ägzalarınıñ şähär, respublika, il däräcäsendä bulgan uñışlarga iya bulu;

- klub belän tormışka aşırıla torgan proektlarnıñ häm programmalarnıñ sıyfatı;

- klub eşçänlegen sotsial  çeltärlärdä, rayonnıñ, respublikanıñ, ilneñ MMÇda yaktırtıluı;

- klubka yaña ägzalarnı cälep itü kürsätkeçe;

- el däwerendä yunäleş häm tematik eşçänlekne tormışka aşıru;

- klub ägzalarınıñ «Sälät-2017»  cäyge alan smenalarında katnaşuı;

- klub teläge buença «Sälät-2017» cäyge alan smenalarında katnaşkan mäktäp ukuçılarınıñ sanı;

- klub ägzalarınıñ cäyge smenalarınnan başka, şulay uk «Sälät-2017» çaralarında katnaşuı;

- klubta tatar tele moxiten buldıru;

- klubnıñ 2016-2017 ellarında bulgan uñışları.

Tatarstan mäktäplärendä Sälät üseşe öçen bik möhim eşne başkarganga, klub ägzalarına barı tik uñışlar gına telise kala. Oçraşkanga kadär!

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Bratya Zaripowı» agenstwosı, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.