«Sälät ilçeläre» kemnär alar? ← kire kaytirga
«Sälät ilçeläre» – ör-yaña proekt, bu elnıñ fewralendä genä başlanıp kitte. Närsä bu, anda kemnär katnaşa – proektnıñ koordinatorı Ayaz Xanafin söyläde.
– «Sälät ilçeläre» yaki «Ambassadorlar» - cäyge alannarga ber dä Sälättä bulmagan balalarnı tuplauga bagışlangan proekt. Alar bu eşne üz mäktäplärendä, sotsial çeltärlärdä, dusları häm tanışları arasında – kıskası, kayda mömkin, şunda başkara. Şulay uk ambassadorlar sotsial çeltärlärendä Sälät proektların yaktırtıp baralar.
Proekt 2 ay bara, häm şuşı wakıt eçendä ambassadorlar 100gä yakın balanı Sälät alannarına cälep itte. Bu bik yaxşı kürsätkeç! 12 alanga yaña balalardan garizalar kilde.
– Ä ambassadorlar komandası niçek tuplana?
– Bıel komanda tuplaunı üzebez, yaşlär üzäge belän berlektä başkardık. Xäzergä komandada 16 keşe. Menä alar: Zäynullina Läysän, Däülätşin Iskändär, Fawarizowa Rälinä, Galiullin Räşit, Malanewa Elwira, Xafizowa Aygöl, Galiewa Kamilä, Nuriew Kamil, Şäripowa Renata, Agaewa Aylinä, Tarasowa Liana, Kayumow Rifat, Tahirowa Aysılu, Şakirow Räüf, Räximow Almaz, Yurinow Danil. Alar barısı da – Sälät aktiwistları. Bıelga ambassadorlar citep tora. Ä menä kiläse elga proektnı masştablırak itärgä uylıybız, ilçelär dä konkurs nigezendä saylap alınaçak.
– Ä bu proekt ambassadorlarnıñ üzlärenä närsä birä?
– Berençedän, bu – wakıtnı äybät itep ütkärü. Ilçelär ber-berse belän aralaşa, törle şögıllär uylap tabalar, biremnär başkaralar. Ambassador bulu ber dä ciñel tügel ul! Alarnıñ üz kagıydäläre bar häm alarnı ütärgä kiräk.
Ikençedän, bu –motiwatsiya sisteması. Här aynı ilçelär mini-xisap tapşıra: küpme balanı Sälätkä
cälep itkännär. Häm iñ zur kürsätkeçkä iya bulgan 3 ilçegä büläklär birelä. Ä
proekt näticäse bularak ber zur büläk bulaçak. Nindime? Anısın SELET BILER
FORUM-da belersez. Älegä ambassadorlarnıñ üzläre öçen dä ser bulıp torsın.