El direktorın kem bilgeli? ← kire kaytirga

Näk menä bügen, 18.00 Sälät yortında, «El direktorı» nominatsiyaseneñ äñgämä nigezendä saylap alu etabı bula. Bu eştä köräşälär: 

- Igor Smirnow; 
- Rufat Kıyamow; 
- Dilärä Sabitowa; 
- Bulat Waliullin. 

«Barlık katnaşuçılar da El direktorı isemenä laek. Härberebez üz eşen 100% eşli. Kem ciñsä dä, ul bezneñ urtak ciñüebez – Sälät xäräkäteneñ ciñüe. Üzemneñ zur kazanışım bulıp, Ädip Älmir kulınnan alıngan şämäxä töstäge futbolkanı sanıym. Xäzer inde min şäp komandanıñ ber öleşe bulıp çutlanam», – dip büleşte Rufat Kıyamow. 

«Min, El direktorı isemenä laek, çönki cıelgan täcribä häm kazanışlarım zur näticälär kürsätä.Sälät minem tormışımda inde 10-nçı el häm bu ciñü miña zur büläk bulır ide. Sälättä iñ zur ciñü ul – komanda, balalar mäxäbäte häm şämäxä futbolka», – dip uylıy, Dilärä Sabitowa.

Kem El direktorı isemenä laek ikänen, bez, Sämrux premiyaseneñ büläkläü tantanasında, G.Tukay isemendäge filarmoniya kontsertlar zalında belerbez. Näk menä bügen ciñüçelärne cyuri ägzaları bilgelär. Alar rätendä:

1. Tatarstan Respublikası Prezidentınıñ Tışkı elemtälär departamentı direktorınıñ urınbasarı – Marat Gatin 

2. Tatarstan Respublikası tözeleş, arxitektura häm torak-kommunal xucalık ministrı urınbasarı – Ayrat Gatiyatow 

3. Kazan şähäre Başkarma komitetınıñ balalar häm yaşlär eşläre komitetı räise urınbasarı – Marat Urazaew 

4. Munitsipal byudjet uçrejdeniyase «Kazan şähäreneñ parklar häm skwerlar direktsiyase» direktorı – Alsu Karyakina 

5. Sälätneñ küp kenä proektlarına üz öleşen kertkän, Sälät weterannarı forumı citäkçese, «Serwis Stil» mebel kompaniyaseneñ general direktorı – Leniza Rizwanowa

6. «Algarış» programması ciñüçeläre assotsiyatsiyace räise, Yaşlär diplomatiyase akademiyase citäkçese – Dilbär Sadıkowa 

7. Sälät weteranı, 2005, 2006-nçı ellarnı Sälät-Bilär kalası alanı direktorı, Teoriya dizayn studiyaseneñ citäkçese – Ildar Ayupow 

8. «Sälät» yaşlär üzäge direktorı, Sälätneñ 9-nçı prezidentı –Aygöl Gabdraxmanowa.

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Bratya Zaripowı» agenstwosı, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.