«Mirax» intellektual ligasınıñ közge sezon açılışı ← kire kaytirga

15-nçe oktyabr könne Sälät yortında «Mirax» intellektual ligasınıñ közge sezon açılışı başlanıp kitte. «Närsä? Kayda? Kayçan?» uenı Sälät aktiwistları arasında härwakıt populyar bulıp sanala häm älege proektnıñ yañadan tormışka aşırıluı şulay uk şatlandıra. Uenda 8 komanda gına gariza birgän bulsa da, 10 komanda katnaşu teläge belän çıktı. 

Uen formatı sport yunäleşenä kagılışlı, sorauları tormışnıñ törle ölkälärenä karap tözelgän ide. Katnaşuçılarga IT, Çarli Çaplin kiñäşläre h.b. kızıklı yunäleşlärne üz öçenä algan soraular yaudırdılar. 

Bu uennıñ ciñüçeläre itep «Duslık» komandası bilgelände. 
Proektnıñ citäkçese Ilyuzä Xösnullina öçen bu uen berençe zur eş buldı. 

«Proektnı äzerli başlaganda başta awırrak buldı. Läkin min tuplagan komanda – şäp komanda häm bez barısın da «bişle» bilgesenä eşlädek. Şunı da äytep uzasım kilä: yaña sezonga bez yañalıklar belän kerdek. Katnaşuçılar aldan uk oeştıruçılarga sorauların cibärä alaçak, ä final uenı telewizion formatta uzaçak» – dip uy-fikerlären belderde Ilyuzä. 

«Bezneñ eş şäp başlandı. Kiläse uennarda, iskärtep uzam, kiläse uen 29-nçı oktyabr könenä bilgelängän, komandalar sanı kübräk bulır häm katnaşuçılarnıñ fikerläüläre tagın da kamilläşer», – dip süzen tämamladı ul. 

Bez, üz çiratıbızda, uñışlar gına teläp kalabız! 

Sälät media-mäktäbe ukuçısı Alinä Sısoewa