«Mirax» yaña sezonın aça ← kire kaytirga

15-nçe oktyabr könne 17:00 Sälät yortında «Mirax» intellektual ligasınıñ açılu tantanası uzaçak. Berençe uenda Sälät klubı prezidentı Igor Smirnownıñ da kilüe kötelä. Uenda 8 komanda, 48 ukuçı häm student katnaşırga teläk belderde, alar arasında Kazannıñ öç Sälät klubı da bar. Barlık katnaşuçılar da yañalar. 

Proektnıñ bıelgı citäkçese Ilyuzä Xösnullina fikere buença alarda ömet bar.

- Ilüzä, Sälät sineñ öçen närsä ul?

- Sälät – üzeñne başkalar kebek ük sälätle itep xis itü häm şuña omtılu, başkalardan ürnäk alu moxite.

- Sälätkä kayçan kilep kerdeñ? Nindi proektlarda katnaştıñ?

- Berençe smenam «Sälät-Tel 2012» buldı. Şunnan soñ «Rauşan», «Ruxiyat», «Sanak». 2016-nçı elda «Närsä? Kayda? Kayçan?» uenında Anya Tixonowa citäkçelegendä oeştıru komitetında buldım. 2015-nçe elda Sälät Forumında häm «Bolgar-Tugan tel»dä attaşe. M.I. Mäxmütow isemendäge «Fänsar mäktäb konferentsiyase katnaşuçısı, «Fänsar» mäktääbeneñ biş sessiyase ukuçısı. Uzgan eldan başlap Sälätneñ «Mirax», «Tübätäy» häm «Bal-maskarad» kebek proektlarında üz sälätemne açarga tırışam.

- Ni öçen näk menä «Närsä? Kayda? Kayçan?» proektın sayladıñ?

- Bu uen miña balaçaktan yakın ide. Miña uen tärtiben añlatuga uk, uynıy alırmın digän fikergä kildem. Minemçä, älege uen bezneñ tormışta kön däwamında «uynalırga» tieş.

- Bu proekt kısalarında sin katnaşuçı bularak ta, oeştıruçı bularak ta üzeñne sınap karadıñ. Kaysı kızıgrak?

- «Mirax» ligasında min katnaşuçı bularak ta, oeştıruçı bularak ta katnaşırga telägän idem. Uzgan elda, kızganıçka karşı, min üz komandamnı tuplıy almadım, läkin Albina Mannapowa (uzgan elgı citäkçe) mine fotograf bularak älege proektka çakırdı. Ul kitkännän soñ Läysän Şäyxetdinowa älege proektka alındı. Sälät Forumında QUIZ uenı oeştırılsa da, sälkeşlärgä «Närsä? Kayda? Kayçan?» uenı kızık ikänen añladım. Sälät klubı prezidentı miña älege eşkä alınırga täkdim itte. Min ber dä ikelänmiçä älege proektka alındım.

- Bıelgı uenda nindi yañalıklar kötelä?

- Niçek äytälär äle? Yaña sezonga yañalıklar belän!

- Sälät aktiwistlarına teläkläreñ? 

- Kaderle wakıtıgıznı buşka uzdırmagız. Gariza tutırıgız häm katnaşıgız. «Mirax» uenı ciñüçese bulırga, kubok alırga ber digän adım.