Sälät Klublarınıñ XI gamäli uku-ukıtu seminarı ← kire kaytirga

12-15-nçe mart könnärendä «Fänsar» fän häm mägarif üzägendä töbäk Sälät Klubları öçen XI gamäli uku-ukıtu seminarı ütte.

Seminarga här klubtan iñ aktiw sälkeşlär çakırıldı, 11 klubtan barlıgı 55 katnaşuçı cıeldı.

Sälkeşlär kiläse uku elına klublarnıñ yul kartaların eşlädelär, alarnı yakladılar. Törle ostaxanälärdä katnaştılar. Sotsial çeltärlär belän eşläü künekmälären nıgıttılar. Üz klubların täkdim ittelär.

Ostaxanälär turında tulırak itep söyläü öçen, klublar koordinatorı Läylä Moratşina belän elemtägä kerdek. «Klub eşçänlegendä faydalı bulırday mäglümat belän urtaklaşuçı, möhim soraularga cawap birüçe spikerlarnı çakırdık. Sotsial çeltärlär belän eşläügä zur basım yasadık. Şuña kürä Kamilä apa Hadiewanı çakırdık, ul sotsial çeltärlärne döres itep alıp baru, matur akkaunt yasau täcribäse belän urtaklaştı. «Sälät» media üzäge citäkçese Ilüzä apa Zakirowa Sälät akkauntların alıp baru häm Sälät çaraların yaktırtu serläre turında söyläde. Zilä apa Gıymazowa Tatarstan Respublikası Yaşlär eşläre ministrlıgınıñ media üzäge eşçänlege turında söyläde. Ä Elina apa Nasibullina komanda belän eşläü, super komanda oeştıru formulasın birde. Klublar törle çaralar uzdıralar häm alarga oratorlık ostalıgı da kiräk, säxnädä üzeñne irken, matur totu serläre turında Rädif abıy Äxmädiew söyläde. Iñ möhime: sälkeşlär klublarına yul kartaları belän kaytıp kittelär. Yul kartaları añlaeşlı häm uñaylı bulırga tieş, şunıñ öçen kuratorlar törle blok formatında misallar kürsättelär», – dip söyläde Läylä.