Sälät Klublarınıñ XIII gamäli uku-ukıtu seminarı uzdı kire kaytirga

Sälät Klublarınıñ XIII gamäli uku-ukıtu seminarı uzdı

11-15 nçe mart könnärendä «Yoldızlı» BSAda töbäk «Sälät» klubları öçen XIII gamäli uku-ukıtu seminarı uzdı.

Seminarga här klubtan iñ aktiw sälkeşlär çakırıldı, 15 klubtan barlıgı 60ka yakın katnaşuçı cıeldı.

Sälkeşlär kiläse uku elına klublarnıñ yul kartaların eşlädelär, alarnı yakladılar. Törle ostaxanälärdä katnaştılar. Üz klubların täkdim ittelär.

Monnan tış, çaraga 6 spiker çakırılgan ide, alar üz täcribäläre belän urtaklaştı, sotsial çeltärlärdä eş alıp baru häm üz komandañnı tuplau temalarına aerım igtibar birelde, başka könüzäk mäsälälär xakında da fiker alıştılar.

Klublar öçen seminar näticäle uzdı, bik küp täessirlär kaldırdı. Üzeneñ çarada katnaşu täcribäse turında bezgä «Sälät-Minzälä» klubı räise Alsu Gäräewa söyläde:

«Bez seminarga 3 nçe tapkır kiläbez. Bik tä küñelle ütte! Berençedän, yañartılgan «Yoldızlı» bazasında uza. Ikençedän, bik küp kuratorlar belän tanıştık, aralaştık. Kızıklı master-klasslarda katnaşa aldık. Bigräk tä instagramga bagışlangan oçraşu oşadı. Küp yañalık beldek. Kiçke çaralar da küñelle uzdı, härberseneñ nindi dä bulsa üzençälege bar ide! Seminarda bezgä kızıklı çaralarnı niçek uylap tabarga häm ütkärergä ikänlegen dä öyrättelär. Şuşı kiñäşlärne istä totıp, kayber tözätmälärne dä kertep, kuratorga cibäräçäkbez. Törle çellendjlar oeştıru, kwestlar häm yarminkälär ütkärü planda bar».