«Fänsar» mäktäbeneñ közge sessiyase tämam! ← kire kaytirga

1-7 nçe noyabr könnärendä Izge Bilär cirendä M.I. Mäxmütow isemendäge «Fänsar» mäktäbeneñ közge sessiyase uzdı. «Fänsar» fän häm mägarif üzäge bazasında 71 bala yal itte. Ber atna eçendä sälkeşlär matematika, fizika, cämgıyat beleme, ädäbiyat, biologiya häm ingliz telennän däreslär aldı, şul fännärdän konferentsiyagä äzerlände häm aktual temalarga çıgış yasadı.

        Sessiya kısalarında «My first mentor» proektı citäkçese, sälkeş häm äydaman Dinä Nasretdinowa belän skayp-oçraşu buldı. 10 nçı häm 11 nçe sıynıf ukuçıları kiläçäktä hönär saylarga yardäm itüçe älege programma belän tanıştı. Yaşlärneñ kübese älege proektta katnaşırga teläk belderde.

         Irtänge däreslär, töşke aştan soñgı konferentsiyagä äzerlänü häm kiçke intellektual uennar sälkeşlärneñ küñelenä hiçşiksez kerep kalaçak! Şuña da alar ber-berse belän xuşlaşmıy, «Yazgı sessiyadä küreşerbez!» dip süz birep saubullaşa gına!