Töbäk «Sälät» klublarınıñ yubiley seminarı tämamlandı ← kire kaytirga
2 oktyabrdän 6 oktyabrgä kadär «Yoldızlı» bazasında Töbäk «Sälät» klubları öçen XX gamäli uku-ukıtu seminarı uzdı.
Törle töbäklärdä yaşäüçe Sälät aktiwistları kürkäm traditsiya buença közge seminarga kilde! Klub wäkilläre zarıgıp kötep algan çara başlanu belän katnaşuçılar öçen bay programma start aldı: klub räisläre belän strategik sessiya, treninglar, çaralar täkdim itü, biyule kiçä: yul kartaların yaklau, mäktäplärendä oeştırıluçı çaraların täkdim itü. Älege seminarnıñ maksatı - «Sälät» klublarınıñ sistemalı eşçänlegen oeştıru.
Şulay uk töbäk «Sälät» klubları öçen XX gamäli uku-ukıtu seminarı kısalarında ikençe el rättän uzdırıluçı «Sämrux» el premiyaseneñ «El klubı» nominatsiyase ciñüçeläre bilgelde. Seminarda katnaşuçı 19 klubnıñ 14se yarışnıñ finalında köç sınaştı häm «Üzprezentatsiya», «Portfolio», «Çara», «Mediaaktiwlık» konkurs programmalarında katnaştı, intellektual belemnären kürsätte.
«El klubı» nominatsiyasen yaña formatta uzdıru klublarnıñ eşçänlegenä näticä yasauda, alarnıñ eşçänlek däräcäsen arttıru, effektiw täcribälärne açıklau, taratu häm almaşu öçen şartlar tudıruda, töbäk «Sälät» klubları kısalarında «Sälät» eşçänlegen oeştıruda yaña formalar, innowatsiyalär, yaña texnologiyalär ezläüdä, mäktäp ukuçılarınıñ icadi häm hönäri potentsialın tormışka aşıruda yardäm itä.
Seminarda katnaşuçılarnıñ sanı - 190nan artık. Çarada «Sälät – Adımnar Alabuga» klubı, «Sälät – Adımnar Tübän Kama» klubı, «Sälät – Adımnar Çallı» klubı, «Sälät — Aznakay» klubı, «Sälät - Aksubay» klubı, «Sälät - Arıslan» klubı, «Sälät – Älki» klubı, «Sälät - Bua» klubı, «Sälät - Idel» klubı, «Sälät - Märcän» klubı, «Sälät - Minzälä» klubı, «Sələt - Osinowo» klubı, «Sälät - Samara» klubı, «Sälät - Yaşel Üzän» klubı, «Sälät - Saba» klubı, «Sälät - Tübän Kama» klubı, «Sälät - Cihan» klubı, «Sälät - Ozın Kuak» klubı häm «Sälät - Açış» klubı kuratorları, ägzaları häm räisläre katnaştı.
Seminarda aktiw katnaşkan klublarga - räsmi räweştä terkälüne raslauçı tanıklıklar, klub räislärenä - räxmät xatları, katnaşuçılarga diplomnar tapşırıldı.
Näticälär yasaldı, plannar bilgelände - yaña köç häm därt belän eşkä kereşergä wakıt!