Әйдаманнар мәктәбе

Äydamannar mäktäb– Sälät berläşmäseneñ möhim proektlarınnan berse. Ul cäyge profille smenalarga äydamannar äzerläü öçen  komanda tuplap, alarnı el däwamında ukıtunı üz östenä ala. El däwamında äydamannar törle yunäleştä eş alıp baralar: sälätle balalar belän eşli belü, komandada üzeñne kürsätü, Sälät traditsiyalären öyränü, printsipların belü, sälätlelär öçen törle çaralar uylap tabıp uzdıru.

Proektnıñ maksatı – Sälätneñ cäyge smenalarına komanda tuplau.

Älege mäktäp tübändäge mäsälälärne çişä: Sälätneñ här cäyge smenasına komanda tuplau, studentlarga Sälät moxitendä uñaylı şartlar tudıru. El axırında Respublikaküläm « Äydamannar mäktäbe » bäygese uzdırılıp iñ yaxşıları bilgelänä.

Proekt berençe tapkır 2002-nçe elda tormışka aşırıla.  Anda Kazannıñ uku yortlarınnan 55 student katnaşa. Bügenge köndä bu mäktäpne 1500 student tämamladı.

Proektnı tormışka aşıru etapları:

1. Äydamannar öçen gariza birü kampaniyasen açıp cibärü (sentyabr).

2. «Sälät» Yortında däreslär uzdıru (oktyabr-yanwar).

3. Küçmä mäktäp (fewral).

4. Sälätneñ cäyge smenalarında eşläü öçen citäkçelär belän äñgämä uzdıru (fewral).

5. Smena programmaların täkdim itü (mart).

6. Cäyge smenalarda komanda eçendä programma äzerläü (mart-may).

6. Cäyge kampaniyane tormışka aşıru (iyun-awgust).

7. Cäygä näticä yasau (sentyabr).

8. Respublikaküläm äydamannar bäygese (oktyabr).

Rukowodstwo