Sämrux 2018

biz-01 (1).png 

Yıl sayın uzdırıluçı «Sämrux» isemle Respublikaküläm sälätle balalar häm talantlı yäşlär premiäsendä «Sälät» berläşmäsen aktiv üsterüçe balalar, yäşlär, möğallimnär häm uqıtuçılar qatnaşa. 

«Sämrux» premiäse 2015-nçe yılda berençe tapqır uzdırala. 

Premiä öç etapta uzdırıla: 

1-nçe etap – «Ğärizalar qabul itü». 
Qatnaşuçılar ğärizanı raslanğan forma belän tutıralar häm portfolioların oyıştıru komitetına cibärälär. 
Waqıtı – 2017 yılnıñ 4-nçe dekaberenä qädär. 

2-nçe etap – «Qatnaşuçılarnı saylap alu. Çittän torıp qatnaşu etabı». 
Qatnaşuçılarnı portfolio nigezendä saylap alu. 
Waqıtı – 2017 yıl, 5-nçe dekaber – 8-nçe dekaber. 

3-nçe etap – «Qatnaşuçılarnı äñgämä nigezendä saylap alu». 
Kandidatlar belän äñgämäne ekspertlar sovetı uzdıra häm bäyä birä, anıñ töp maqsatı – qatnaşuçınıñ eşçänlege turında tulıraq mäglümat alu. 

Biremnärneñ formasın häm eçtälegen ekspertlar bilgeli. Konkurs uzdırıluğa 5 kön qala, uzdırılu urını, waqıtı häm konkursnıñ eçtälege xaqında xäbär itelä. 

Waqıtı – 2017 yılnıñ 11-nçe dekaberennän – 2018 yılnıñ 23-nçe ğinwarenä qädär. 

4 etap – «Tantanalı räweştä premiäne tapşıru». 2018 yıl, 8-nçe fevral – laureatlarnı häm premiäneñ ciñüçelären büläkläw. 

Kötelmägän şartlar kilep çıqqan oçraqta, Oyıştıru komitetı premiäneñ uzdıru etapların üzgärtergä mömkin. 

Premiäneñ nominatsiäläre: 

- «Yıl direktorı» nominatsiäse 
- «Yıl ölkän äydamanı» nominatsiäse 
- «Yıl alanı» nominatsiäse 
- «Yıl sälkeşe» nominatsiäse 
- «Yıl äydamanı» nominatsiäse 
- «Yıl klubı» nominatsiäse 
- «Yıl quldaşları» nominatsiäse 
- «Sälät cırlıy» nominatsiäse 

Ğäriza birü waqıtı – 2017 yılnıñ 4-nçe dekaberennän dä soñraq tügel. 
Premiädä qatnaşu ğärizası oyıştıru komitetına tapşırıla. 

Oyıştıru komitetı adresı: «Sälät» yortı, Qazan şähäre, Ostrovskiy uramı, 23-nçe yort, 3-nçe bülmä. 

Beleşmä öçen telefon: + 7 (843) 292-16-00.