Яңалыклар
Сәләт мәктәпкәчә яшьтәге балалар белән дә эшли
Сәләтнең беренче сәлкешләре инде күптән үсеп, үзләре әти-әни булсалар да, аларның Сәләттән аерыласылары килми. Балачакларын, яшьлекләрен сагынып, күп кенә «Сәләт» ветераннары ел саен Биләрдәге форумга килә. Үзләрен күп нәрсәгә өйрәткән Сәләт рухы кечкенәдән сеңә торсын дип, нәни балаларын да бирегә алып киләләр.
Безгә Австралиядән дә киләләр
SELET BILER FORUM – Сәләтнең традицион фестиваль-форумы. Төп катнашучылары Сәләтнең җәйге профиль сменаларына сайлап алу бәйгесен узган сәләтле балалар һәм яшьләр. Тарихи урынга Татарстан Республикасыннан һәм Рәсәй төбәкләреннән кала якын һәм ерак чит илләрдән мәктәп укучылары һәм студентлар килә. Шуларның берсе – Сәләтнең «Рухият» аланында ял итүче, Австралиядән килгән кунагыбыз Хәфизә Гарипова.
Сәлкешләргә иң яхшы спикерлар белем бирә
SELET BILER FORUM-да уку-укыту программасы дәвам итә. Сәлкешләргә төрле яктан үзләрен ачарга һәм табарга үз өлкәләрендә зур уңышларга ирешкән спикерлар ярдәм итә. Татарстан Республикасы Фәннәр Академиясенең Урта гасырлар археология Институты бүлек мөдире Зөфәр әфәнде Шакиров сәлкешләргә археология фәне тирәсендә җыелган уйдырмалар хакында сөйләде.