ИХО илләренең X Казан яшь эшмәкәрләр форумы ← кире кайтырга
14-18 май көннәрендә Казанда XV Халыкара икътисадый «Россия – Ислам дөньясы: KazanForum» форумы кысаларында ИХО илләренең X Казан яшь эшмәкәрләр форумы уза. Форумның төп максаты - Россия Федерациясе һәм Татарстан Республикасында эшчәнлек алып баручы бизнеслар белән хезмәттәшлекне үстерүгә юнәлдерелгән ИХО илләрендәге яшь эшмәкәрләргә ярдәм итү. 2024елгы форумның көн тәртибендәге төп мәсьәлә - «Иҗади индустрияләр». Форумда заманча сәнгать, медиа, халык иҗаты, тотрыклы үсеш, туризм кебек юнәлешләр буенча стартап-финалистлар катнашачак.
ИХО илләренең яшь эшмәкәрләр форумы - Россия Федерациясе һәм Татарстан Республикасындагы бизнеслар белән хезмәттәшлекне үстерүгә юнәлдерелгән Ислам хезмәттәшлеге оешмасы илләрендәге стартапларга ярдәм итүнең уникаль платформасы.
Форум 2014 елдан бирле ел саен үткәрелә, аңа Россия Федерациясе һәм ИХО илләреннән йөзләгән стартаплар, инвесторлар һәм экспертлар җәлеп ителә. 2015 елдан 2024 елга кадәр форумда 55 илдән 1000нән артык вәкил катнашты, ә җәлеп ителгән инвестицияләр саны 2 миллион доллардан артып китте. Спикерлар һәм белгечләр булып стартапларга нигез салучылар, венчур капиталистлары, Россиядә һәм бөтен дөньяда әйдәп баручы технологик фирмалар җитәкчеләре тора.
2024 елда Форумның гаризалар кампаниясендә 45 илдән 150дән артык стартап катнашты, форум белгечләре алар арасыннан 30 яшь эшмәкәрне сайлап алды. 2024 елда катнашучыларның географиясе 17 илне колачлый. Финалга Казахстан, Нигерия, Сенегал, Пакстан, Алжир, Мисыр, Фәләстин, Иран, Индонезия, Ливан, Кыргызстан, Бангладеш, Үзбәкстан, Әзербайҗан, Төркия, Индонезия һәм Россия илләреннән бизнес вәкилләре чыкты. Татарстан Республикасындагы бизнеслар җитәкчеләре, шулай ук министрлыклар, бизнес-акселераторлар һәм Әзербайҗан, Оман, Пакстан, Иран, Үзбәкстан, Пакстан, Россия кебек илләрдән эре компанияләр вәкилләре форум белгечләре һәм «Креатив эшмәкәрләр ярдәме белән милли һәм традицион мәдәниятне үстерү» һәм «Ни рәвешле ясалма фәһем (ИИ) креатив индустрияләр үсешенә йогынты ясый?» панель сессияләре спикерлары булачак.
Форумны Татарстан Республикасы яшьләр эшләре министрлыгы, Ислам хезмәттәшлеге оешмасы Яшьләр форумының Евразия төбәк үзәге (ICYF-ERC), «Сәләт», RE’ACTOR Арт-резиденциясе, Яшьләр дипломатиясе академиясе оештыра.