Әнвәр Хәйри укулары

2016-нчы елдан Алексеевск районы Биләр каласының «Фәнсар» үзәгендә беренче тапкыр Әнвәр Хәйри укулары уздырылды.

Әнвәр Хәйри гомерен милли мәдәният, мәгариф һәм фәнне үстерүгә, өйрәнүгә багышлады. Тирән фикерләүче галим буларак ул мәдәниятнең киң кырлы проблемаларына игътибар бирде: текстология, милли сәнгать, фольклор, татар телен, аның борынгы чыганакларын, кәгазьдә билгеләнгән иҗади ресурсларны өйрәнде.

Берничә дистә еллар дәвамында Әнвәр ага Сәләтлеләргә Биләр каласының файдалы казылмалары турында дәресләр укытты. Баксаң, бу дәресләр Багдад посоллыгы секретаре Ибн Фадланның язмаларыннан татарчага тәрҗемәләренә нигезләнгән икән. Әнвәр Хәйри балаларда Биләргә, аның тарихына, тарихи һәйкәлләренә карата мәхәббәт тәрбияләде.

«Без һәрвакыттагыча ниндидер бер үзебезнең күңелебезгә хуш килгән, акыл булган сәбәп белән җыелабыз. Әнвәр абыегыз Сәләтне, сәләтле балаларны кайгыртып яшәде. Әле ул гына да түгел, ул сәлкешләргә Биләр тарихын өйрәтүдә зур өлешен кертте. Үзе дә өйрәнде, киләчәк буынга да җиткерергә тырышты. Изге кеше иде. Безнең аны онытырга хакыбыз юк! Күңелебездә мәңге яшәр!» – дип җылы хатирәләрен барлады «Сәләт» проектлары җитәкчесе Әдип Әлмир.

Конференциянең максаты: 
– Биләр каласы тарихын фәнни өйрәнүгә һәм Биләрне дөньяга танытуга зур өлеш кертүче, татар дөньясы тарихында җуелмас эз калдыручы галим, сәлкешләрнең Дусты һәм Остазы Әнвәр Хәйри исемен мәңгеләштерү;
- Фәнни, иҗтимагый эшчәнлек алып барган галимнең фәнни-практик эшләренә карата укучыларда кызыксыну уяту;
- Яшьләргә һәм мәктәп укучыларына тарихи-археологик өлкәгә кагылышлы фәнни-практик эшләрендә ярдәм итү.  

2 декабрь - 4 декабрь
«Фәнсар» уку-укыту үзәге (Биләр каласы, Алексеевск районы)
Катнашучылар: Татарстан Республикасынннан, Рәсәй регионнарыннан һәм чит илләрдән 7-11-нче сыйныф укучылары һәм югары уку йортлары һәм көллиятләрдән 1-2 курс студентлары.

Конференция программасы түбәндәге темаларны үз эченә ала: 
          
1. «Бөек Биләр каласы: тарих, бүген һәм киләчәк»
2. Бөек Биләр тирәсендәге авыллар тарихы (тарихи язмалар, истәлекләр, риваятьләр)
3. «Әнвәр Хәйри мирасы»         
4. «Мин яратам сине, туган җирем» (мисал өчен, мәктәбең тарихы, авылың тарихы, яшәгән урамың тарихы һ.б.ш.)       
5. «Гаиләм тарихы» (мисал өчен, минем шәҗәрәм, гаиләм белән бәйле булган истәлекләр)
6. Әнвәр Хәйринең  «Шәһре Бану – Шәрбән кыйссасы» исемле китабы нигезендә язылган докладлар.

Тулырак мәгълүматны нигезләмәдә таба аласыз.
Катнашу өчен гариза
Җитәкчелек