Aleksandr Golowin: «Iñ möhime - üz eşeñne çın küñeldän eşläü» ← kire kaytirga

Bilärdä teatr häm kino akterı, «Kadetstwo», «Elki», «Papinı doçki», «Kremlewskie kursantı» kinoproektları katnaşuçısı Aleksandr Golowin belän icadi oçraşu bulıp uzdı.

Akter belän äñgämä wakıtında balalar anarga soraular birdelär, ul katnaşuçılarga üzeneñ icat yulın niçek başlawı turında söyläde häm hönäri layfxakları belän urtaklaştı.

Sez üz yulıgıznı niçek başladıgız?

Minem yulım bik kızık başlandı. Bez apam belän bäläkäy wakıtta, äti-äniem biznes belän şögıllänä idelär. Berwakıt towar alırga bargaç, alar Slawa Zaytsewnıñ model agentlıgınıñ reklamasın kürälär. Anda defile, xoreografiya häm akterlık ostalıgı yunäleşläre bula.

Alar bu xakta apama söylägändä, min «akterlık ostalıgı» süztezmäsen işetep aldım häm şunduk üzemne sınap kararga telädem. Akter bulu minem balaçak xıyalım ide. Kırıs ätiem bu ideyamne xuplamadı, tik ozak ügetlägäç, apam belän bergä anda mine dä alıp bardılar.

Bez podium yanına kilgäç, ul modellärneñ niçek yörüe turında söyläde, tik, şulay itep, säxnädä barı kızlar gına yörgänen äytergä onıttı. Näticädä, min säxnägä ike eget belän bergä çıktım, alar döres itep yördelär, ä min apam kiñäşe buença. Başta mine alırga telämädelär, läkin şulay da kaldırırga buldılar. Bälki, bu säer yöreş miña başkalardan aerılırga yardäm itkänder dä.

Şulay uk miña üzemneñ ücätlegem yardäm itte. Akterlık ostalıgı buença ukıtuçıbız törkemdäge härkaysıbızga kiläse därestä cırların başkarırga kiräk bulagan rus estrada cırçıların bülep birde. Miña Filipp Kirkorow eläkte.

Ul wakıtta miña 9 yaş ide, min anıñ cırların yaratmıy da, añlamıy da idem. Miña kübräk «Otpetıe moşenniki» oşıy ide. Ul kön saen Kirkorownıñ cırların öyränergä kuşa, ä min härwakıt «Otpetıe moşenniki» belän kilä idem. Küpmeder wakıttan soñ ul: «Ä bu egetneñ ärsezlege bar, äydägez anıñ belän şögıllänep karıyk», - dide. Üzeñnekendä toru bik möhim.

Sez akterlarga nindi yugarı uku yortın saylarga kiñäş itär idegez?

Minem profille teatr belemem yuk, ämma zur bäxetkä 9 yaştän kinoda eşlim. «Kadetstwo» serialın töşergän wakıtta min Twerga teatr uçilişçesına ukırga kerergä bargan idem, läkin mine almadılar. Xäzer min daimi Steklow, Paşutin häm başka bik köçle artistlar belän antreprizlarda uynıym. Alar miña zur täcribä birdelär. Küp kenä yugarı uku yortın tämamlauçılar da mondıy täcribäne alu mömkinlegenä iya bula almıy.

Şçukin uçilişçesı belän M.Gorkiy isemendäge Mäskäü sängat akademiya teatrın kiñäş itä alam - alar miña härwakıt bik oşadı. Üzem dä anda kerergä telägän idem.

Ämma min profille belem barıber kiräk dip sanıym - bu zur kitaplar kiştäse kebek. Teläsä kaysı wakıtta sez alarnıñ bersen alıp, rejisser soragannı eşli alasız.

Proektlar östendä eşlägändä sezneñ belän nindi kızıklı xällär bulganı bar?

«Eralaş»nı töşergän wakıtta min törmä kamerasına kergän küreneş bar ide. Ul wakıtta min bik nık dulkınlandım häm şunıñ arkada ozın bulmagan biyu başkardım, näticädä ul seriyagä kitte dä.

Bez «Kadetstwo» serialı östendä eşlägändä, ber säxnäne töşerü öçen miña uçilişçe buylap kıçkıra-kıçkıra yögerep ütärgä turı kilde. Ul wakıtta kursantlar, mögaen, şok xälendä bulgandır. Tınım betep, rejisser yanına yögerep kildem dä: «Kittek!» - didem. Bez moña kadär kilep çıkmagan seriyaneñ bu öleşen berençe dubldän ük töşerdek.

Atmosferalılıkka kilgängä iñ istä kala torgan proektlarnıñ berse «Papinı doçki» buldı. Ul «çäçäklär bakçası» şikelle, xätta anda basıp toru da bik küñelle ide. Bez pawilonda töşerügä häm protsess bik kıen baruga da karamastan, gacäep komanda bik bulışa ide. Şulay uk anda şef-powar eşli, zur bulmagan aş bülmäse bar ide, bez härwakıt şunda kerep, aşap ala idek. Bik şäp ide.

Sez Kazanda berençe tapkır gına tügel. Monda kabat kaytırga närsä mäcbür itä?

Kazan – ul kürkäm urınnar häm tabigat, ak Kirmän. Min bu şähärne bik yaratam häm xätta eş kına biregä üzemneñ antreprizlarım belän kiläm, çönki monda bik märxämätle tamaşaçı.

Mine bu cäydä «Artek»ka da çakırdılar (SSSRnıñ iñ ataklı pionerlagerı red. iskärmäse), tik min sezne sayladım, çönki berkayçan da Bilärdä bulganım yuk ide.

Bulaçak artistlarga sez nindi kiñäşlär birä alasız?

Min yaşlärneñ berkayçan da bernidän dä kurıkmawın telim. Yalgışıgız, härwakıt alga taba atlagız. Min añlıym, eşläwe awır bulırga da mömkin, läkin berkayçan da tuktalıp kalmagız. Ägär sez üz eşegezgä ışanasız ikän, eşlägez anı. Iñ möhime - üz eşeñne çın küñeldän eşläü. Ägär dä sin nider eşlägändä uñaysızlık xis itäseñ ikän, monı üzeñä caylı itep eşläp kararga tırış. Barısın da çın küñeldän eşlägez.